HAMBURG - Kombëtarja shqiptare e futbollit barazoi 2-2 me Kroacinë, në ndeshjen e dytë të Grupit B në Euro 2024. Dramë, përmbysje, raste dhe emocione deri në limite për kuqezinjtë, që marin pikën e parë në këtë event.
Pas humbjes 2-1 me Italinë, djemtë e Sylvinhos e nisën ndeshjen në mënyrën perfekte duke shënuar pas 11 minutave lojë me Qazim Laçin. Mesfushori përfitoi nga pasimi i Jasir Asanit dhe me kokë mposhti Livakovic.
Pas golit, tanët u mbrojtën mirë dhe patën një mundësi me Asllanin që mund të kishte shënuar golin e dytë, por i vetëm me portierin, gaboi. Megjithëse topi u kontrollua nga kroatët, pjesa e parë u mbyll 0-1 për tanët.
Fillimi i fraksionit të dytë solli një Kroaci ndryshe, më kërkuese dhe një Shqipëri që u pa në vështirësi dhe pa ide. Tensioni në fushë u shtua, me Strakoshën që ndali disa herë sulmet dhe goditjet "Dalmate".
Minuta e 74 solli golin e barazimit me Kramaric. Goditja nga brenda zone e kroatit u ndal në rrjetë. Vetëm dy minuta më vonë, Gjasula i pafat shënoi autogol pas një rrëmuje në zonë.
Pas këtij momenti hedhja në fushë e Hoxhës dhe Dakut "ndezi" kuqezinjtë. Në shtesën e pestë, Gjasula korrigjoi shënjestrën dhe barazoi për 2-2, duke çuar në festë 20 mijë kuqezinj në stadium dhe miliona të tjerë anembanë botës.
Nesër për Grupin B luhet Spanjë - Itali, teksa dy skuadrat janë në krye me tri pikë. Shqipëria me një pikë merr vendin e tretë, duke lënë pas kroatët që kanë të njëjtën kuotë pikësh.
Ndeshja e fundit e grupeve për tanët është më 24 qershor në Dusseldorf kundër Spanjës, teksa shanset që kuqezinjtë të jenë një nga katër vendet e treta më të mira që do kalojnë më tej ende ekzistojnë.
Komentet më të rëndësishme:
90+9' Mbyllet 2-2 ndeshja.
90+8' Daku gabon në pasim, kuqezinjtë humbasin shansin për të shënuar golin e tretë.
90+5' Klaus Gjasula barazon ndeshjen në 2-2.
85' Hoxha dhe Daku në fushë, në vend të Ramadanit dhe Manajt.
76' Kroacia merr avantazhin 2-1, Gjasula shënon autogol.
75' Strakosha bën pritjen e ndeshjes, mban në lojë tanët.
74' Kramaric barazon ndeshjen. Nga brenda zonës me të djathtën Kroacia barazon 1-1.
72' Klaus Gjasula debuton në Euro 2024, merr vendin e Laçit, autorit të golit.
67' Nedim Bajrami në kundërsulm, goditja shkon në tribuna.
64' Jasir Asani i lë vendin Seferit te tanët.
63' Asllani gjuan nga jashtë zone, ndal Livakovic.
58' Sutalo "fal" Shqipërinë, gabon me kokë nga pranë portës.
53' Sërish Strakosha, ndal edhe goditjen e Kovacic.
50' Strakosha bën heroin, ndal goditjen e Susic.
46' Nis pjesa e dytë, Kroacia bën dy zëvendësime. Brozovic dhe Majer i lënë vendin Pasalic dhe Susic. Shqipëria luan me formacionin e pjesës së parë.
45+3' Mbyllet 0-1 për Shqipërinë pjesa e parë.
45+2' Strakosha bën një pritje fantastike, arbitri akordon faull në zonë për tanët.
45+1' Rey Manaj shfrytëzon një krosim nga krahu dhe godet me kokë. Topi ndalet nga Livakovic pa forcën e duhur.
43' Majer i kroatëve godet me kokë, sfera del jashtë.
31' Kombëtarja humbet shansin e artë me Asllanin, që pak metra larg Livakovic u ndal nga portieri kroat. Gabimi i Modric në mesin e fushës u shfrytëzua nga Asani, që pasoi bukur për Asllanin, i cili i vetëm përballë portierit kroat gaboi shansin për të shënuar golin e dytë dhe të qetësisë.
22' Kombëtarja mbron mirë, Kroacia sheh nga sulmi. Strakosha bën dalje të mirë.
15' Nedim Bajrami lëviz bukur dhe gjuan nga brenda zone, topi devijohet në këndore.
11' GOOL! Qazim Laçi zhbllokon shifrat pas 11 minutash lojë, duke mposhtur me kokë Livakovic. Pas krosimit të Asanit, mesfushori nuk gaboi nga pranë portës.
3' Tanët e nisin mbarë në minutat e para, kërkues me Bajramin dhe Manaj.
2' Më shumë se 15 mijë tifozë të Kombëtares në stadium.
1' Nis ndeshja në Hamburg, atmosfera gjatë këndimit të himnit kuqezi emocionuese.
Formacionet zyrtare, gjykon francezi François Letexier:
Kroacia 4-3-3: Livakovic; Juranovic, Sutalo, Gvardiol, Perisic; Modric, Brozovic, Kovacic; Majer, Kramaric, Petkovic Trajner: Zlatko Dalic
Shqipëria 4-3-3: Strakosha; Hysaj, Ajeti, Gjimshiti, Mitaj; Ramadani, Asllani, Laçi; Bajrami, Asani, Manaj Trajner: Sylvinho
Renditja e Grupit B:
Notat e ndeshjes sipas SofaScore, Strakosha më i miri në fushë. UEFA shpall Kramaric si 'Njeriun e Ndeshjes'
Ndeshja Shqipëri 2-2 Kroaci është pasqyruar nga mediat ndërkombëtare. Në Kroaci e cilësojnë si një “humbje” e ndërsa tanimë shpresat janë të pakta edhe për një fitore me Italinë.
Nga ana tjetër, është vënë në pah loja e mirë e kuqezinjve në pjesën e parë.
“Barazim show mes Kroacisë dhe Shqipërisë. Daliç befasohet në minutën e 95’, buzëqeshin të kaltrit”, shkruan “Sportmediaset.it”.
The Sun: “Të papriturit shënojnë një barazim dramatik në fund pas autogolit për t’i lënë kroatët në prag eliminimi”.
“Gazzetta dello Sport” shkruan: “Shqipëria bën festë në shtesë; 2-2 arrin në të 95’. Kroacia me shpatulla pas murit, duhet të mundë Italinë”.
Corriere dello Sport: “Kroacia, çfarë talljeje në fund: Gjasula gjen golin e barazimit në minutën e 95-të pas autogolit. Dhe Italia buzëqesh”.
Marca: “Çmenduria shqiptare fut në telashe Kroacinë”.
Shqipëria barazoi 2-2 kundër Kroacisë në raundin e dytë të Grupit B për Euro 2024. Pas ndeshjes "SofaScore" dhe "FlashScore" kanë dalë me notat përkatëse.
Sa i takon vlerësimit nga "Flashscore", Elseid Hysaj "ngelet" në klasë dhe vlerësohet me notën më të ulët, 6,2. Ndërkohë Qazim Laçi me notën 8.3 është më i miri në fushë.
Sa i takon "SofaScore", këta të fundit me notën 8.6 i japin "medalje" Thomas Strakoshës si më i miri i ndeshjes. Sipas UEFA-s, ishte Kramaric i Kroacisë njeriu i ndeshjes, autori i një prej golave te Kroacia.
Notat sipas SofaScore
Notat e FlashScore
Kapiteni i Kombëtares, Berat Gjimshiti tha pas barazimit 2-2 me Kroacinë se si mbrojtës nuk është i lumtur që pësuan dy gola.
“Të them të drejtën jam i lumtur për ekipin, reagimi ishte i fortë. Në fund meritonim barazimin, nuk jam i lumtur me golat që pësuam. Kombëtaret e mëdha me lojtarë të fortë nuk ju duhen shumë metra apo raste për të shënuar. Deri në të 74 nuk kishin raste, mbrojtëm mirë. Por, ato dy gola, nuk e di çfarë të them, më duhet ende që t’i përtyp. Si mbrojtës nuk mund të jem i lumtur për ato dy gola, në fund duhej të kënaqeshim me barazim.
Ndaj Italisë mungoi agresiviteti, por ndaj Kroacisë ishim gati dhe luftuam në çdo metër pavarësisht emrave që kanë ata në mesfushë. Nuk i lamë të lirë dhe shkaktuam faulla, i penguam.
Spanja? E njeh gjithë bota dhe janë favoritë në çdo ndeshje që luajnë. Janë favoritët për të fituar turneun. Por, për rrugën që kemi përpara, me pesë ditë kohë, do të mundohemi të përgatitemi mirë dhe t’i bezdisim.
Edhe me Kroacinë mund të shënonim dy apo tre, e respektojmë Spanjën por do të provojmë shanset tona. Tifozët janë gjithmonë “on top”, i falenderojmë se na mbështesin gjithmonë, jo vetëm në stadium.
Më kanë bërë të ndjehem krenar, më vjen mirë edhe që Hysaj reagoi në fushë. Ai ka 10 vite eksperiencë, jam i lumtur për të sepse bëri ndeshje fantastike”, u shpreh Gjimshiti.
Elseid Hysaj
Mbrojtësi i djathtë i Kombëtares, Elseid Hysaj e ka vlerësuar si rezultat të kënaqshëm barazimin me Kroacinë, ndërsa theksoi se performnca e tij sot iu dha përgjigje kritikave të shumta që mori nga ndeshja me Italinë.
“Ndeshja tregoi se mund ta kishim fituar, por edhe barazimi nuk është keq. Ndeshja në planin personal? Duhej të reagoja në fushë sepse po merremi sikur kemi ardhur për të kaluar kohën. Dua të falenderoj tifozët për mbështetjen, më bënë krenar që jam shqiptar. Me Spanjën? Duhet ta provojmë që të mos largohemi me ndonjë peng, të japim 10% dhe pastaj të shohim”, u shpreh Hysaj.
Trajneri i Kombëtares, Sylvinho foli pas barazimit Kroaci 2-2 Shqipëri.
“Mendoj se zhvilluam një ndeshje shumë të mirë kundër një skuadre të shkëlqyer. Respekt për trajnerin dhe lojtarët e tyre. Ishim shumë mirë në pjesën e parë, kishim mundësi për të shënuar golin e dytë.
Më pas pësuam dy gola në të dytën, por ia dolëm të barazonim. 5 minutëshi i fundit do të mbetet në memorien e gjithë botës dhe gjithë shqiptarëve. Shumë bukur.
Jemi ambiciozë, të ecim përpara. Kjo Kombëtare ka shumë lojtarë me potencial dhe të rinj, të cilët po marrin përvojë. Do e mbajmë mend gjatë këtë ndeshje.
Paraqitjen e vendos rezultati. Nëse do të futej ai top i Manajt me Italinë do të flisnim ndryshe.
Golat e pësuar? A e di si mund të përmirësohemi? Përmirësohesh duke luajtur, duke zhvilluar kompeticione të rëndësishme dhe duke avancuar përpara.
Kemi shumë lojtarë të rinj, si Mitaj, Asllani dhe Muçi, po marrin përvojë. Kjo është fantastike.
Zëvendësimet? Broja është një lojtar që të vret në fushë të hapur, por Kroacia po fitonte dhe zgjodha Dakun. Për të trazuar mbrojtjen dhe për të tërhequr ekipin përpara”, theksoi Sylvinho.
Pas barazimit me Kroacinë të Kombëtares shqiptare e vlefshme për Grupin B në Euro 2024, ka reaguar edhe kryeministri Edi Rama. Kreu i qeverisë shqiptare thotë se në fushë ishte një Shqipëri e re, e përkushtuar me mish e me shpirt ndaj flamurit kuqezi. Kryeministri Rama motivon futbollistët e kombëtares, për të bërë më të mirën deri në fund.
‘Kjo quhet krenari!
Përballë një skuadre shumë më të fortë në letër dhe me shumë më shumë eksperiencë në këto nivele ishte një Shqipëri e re, e përkushtuar me mish e me shpirt ndaj flamurit kuqezi, e cila të mbush me krenari, me dashuri, me respekt e me optimizëm për rrugën përpara, përtej këtij Europiani, falë djemve të jashtëzakonshëm dhe publikut të saj po aq të jashtëzakonshëm.
Kokën lart dhe kështu përpara, me pasion, shpirt skuadre, përpjekje deri në fund për të bërë më të mirën.’- shkruan Rama.
Jasir Asani, pas barazimit 2-2 të Kombëtares me Kroacinë tha se do tentojnë tri pikët me Spanjën.
“E kishim analizuar shumë mirë Kroacinë. E nisëm shumë mirë, kishim 2-3 raste për golin e dytë në pjesën e parë. Nuk u dorëzuam, por ne jemi këtu për t’u treguar të gjithëve që nuk kanë patur besim.
Shpërtheva te të dy golat, por më shumë te goli i Laçit. Dhamë gjithçka, të gjithë. Me pak fat mund të kishim marrë 3 pikët.
Spanja? Nuk i dihet asnjëherë. Ne do të futemi në fushë për 3 pikë. Spanja është shumë e fortë, por ne do të futemi në fushë për 3 pikë”, theksoi Asani.
Klaus Gjasula, autori i golit të barazimit 2-2 kundër Kroacisë foli pas ndeshjes.
"Ke të drejtë, minutat e para ishin të vështira, jo vetëm autogoli edhe për disa situata që si bëra mirë. Faleminderit Zotit që më dha mundësinë të bëjë këtë golin, një ditë historike për mua. 55-60 minutat e para bëmë një lojë më të mirë, pastaj e humbëm pak lojën nga dora", tha Gjasula.
Sipas gjigandëve të statistikave të OPTA, Gjasula bëhet zëvendësuesi i parë në historinë e Europianeve apo Botëroreve që arrin të shënojë në të dy portat në një rastësi të çuditshme që e bëri atë protagonist në këtë mënyrë.
Kristjan Asllani, mesfushori i Kombëtares foli pas ndeshjes Kroaci 2-2 Shqipëri.
“Ndeshje me shumë emocione, gjynah që nuk morëm tre pikët. Pësuam dy gola që mund t’i evitonim, pastaj mund ta fitonim ndeshjen në fund, por morëm një pikë jemi të lumtur. Mund të kishim bërë më shumë, por kjo është rruga. Rasti i humbur? Mendoja se do ta kapte topin Modric, godita me sy mbyllur, por çfarë të bëj? Futbolli kështu e ka”, u shpreh Asllani.
Qazim Laçi, autori i një prej golave të Kombëtares dhe një prej lojtarëve më të mirë në fushë, foli pas barazimit 2-2 me Kroacinë.
“Ashtu si shkoi ndeshja me atë gol në fund, ne e meritonim të paktën një pikë. Ishte performancë shumë e mirë. Jam shumë i lumtur për golin, por më shumë rëndësi kanë pikët sepse tani kemi më shumë besim, për ndeshjen me Spanjën që do të jetë shumë e vështirë dhe pse jo më pas të mos tentojmë për vendin e dytë apo të tretë”, u shpreh Laçi.
Klaus Gjasula hyri në fushën e lojës si zëvendësues, shënoi autogolin që i dha avantazhin kroatëve e më pas në shtesën e ndeshjes shënoi golin e barazimit përfundimtar.
Sipas gjigandëve të statistikave të OPTA, Gjasula bëhet zëvendësuesi i parë në historinë e Europianeve apo Botëroreve që arrin të shënojë në të dy portat në një rastësi të çuditshme që e bëri atë protagonist në këtë mënyrë.
Ndeshja Kroaci-Shqipëri po dhuron spektakël jo vetëm në fushën e blertë, por edhe në tribuna.
Tifozët e të dy skuadrave, të “veshur” me ngjyrat e simbolet kombëtare, kanë krijuar një atmosferë të jashtëzakonshme.
Të pranishëm për të parë ndeshjen ishte edhe presidenti Bajram Begaj dhe ministri Taulant Balla.
Përpara ndeshjes kundër Kroacisë, ish-kapiteni i Kombëtares, Loric Cana foli për Klan nga fusha e stadiumit në Hamburg.
“Është një kënaqësi e madhe dhe nder shumë i madh. Sporti mbledh me mijëra tifozë. Janë raste të rralla për vendin tonë. Çunat duhet t’i mbështesim deri në fund. Jemi vetëm falë tyre këtu. Dëshira ime për në fushë është e madhe, por forma ime nuk është si më parë.
Kundërshtari ka histori dhe lojtarë shumë të mirë. Ne e kemi ditur, që në këtë grup nuk jemi pretendetët. Presioni nuk është në anën tonë. Djemtë ta shijojnë dhe të luftojnë deri në fund.
Në anën teknike nuk mund të t’i krahasosh dy kombëtare. Mentaliteti jonë duhet të jetë mentalitet luftëtari. Në 2016, ishim të zotë për të pritur mbrapa, por duhet ta tregojmë veten edhe në sulm, sepse cilësitë i kemi.”, u shpreh Cana.
Presidenti i FSHF-së, Armand Duka foli për Klan në prag të ndeshjes kundër Kroacisë, duke thënë se shpreson te tri pikët, ndërsa sot ka karikuar ekipin.
“Nuk është se i kam ngacmuar çunat sot. U thashë: ‘Nuk kemi ardhur këtu të dalim kampionë Europe, por kemi ardhur të japim më të mirën tonë’. Nëse japim gjithçka kemi dhe shkarkojmë ngarkesën emocionale, uroj të mos e kemi presionin që kishin në 30 minutat e para me Italinë.
U thashë çunave se unë jam krenar për ta, dhe të gjithë shqiptarët janë krenarë. Të gjithë ju shohin si heronj, dhe do të vazhdojnë t’u shohin të tillë. Kam ndjenjë pozitive, pavarësisht se Kroacia është ekip i madh. Kam besim se mund të fitojmë ndeshjen sot.
Hysaj? Kam kaluar shumë trajnerë, të gjithë e konfirmojnë se kurrë nuk kam biseduar me ta për zgjedhje teknike. Hysaj e vlerësoj shumë si futbollist, ka kontribuuar shumë për Kombëtaren. Komplimenti më i madh është për tifozët shqiptarë. Kanë treguar edhe një sjellje më europiane se europianët. Jam krenar për ta”, deklaroi kreu i futbollit.
Komente
Lajme të tjera
-
Babai i Uzunit fjalë të ashpra kundër Sylvinhos: S'ia vlerësuan djersën e sakrificën, as këpucët nuk ia morën në transfertë! Ata i fshinë emrin nga Euro 24
22 Nëntor, 14:26 -
I doli emri si trajner te Inter Miami, Sylvinho tregon të ardhmen: Më vjen keq për rezultatin e fundit me Shqipërinë
22 Nëntor, 08:49 -
Beckham zgjedh Sylvinhon, trajneri i Kombëtares ka mundësi për të stërvitur Lionel Messin! Në lojë edhe Xavi
21 Nëntor, 15:38 -
'Sylvinho la për të dëshiruar, Kombëtarja ekip mendjemadh', Ditmar Bicaj për Report TV: Duhen emra të rinj, disave ua veshim fanellën me zor
21 Nëntor, 13:10 -
Kombëtarja duhet të 'fshijë' vitin 2024, pësuam shtatë humbje dhe 15 gola
21 Nëntor, 11:19 -
Shorti i kualifikueseve të Kupës së Botës, Kombëtarja rrezikon përballjen me Serbinë ose Kosovën
20 Nëntor, 20:55 -
Dështimi i Kombëtares, Eduard Prodani në Report TV: FSHF është përgjegjëse, sukseset e ekipit s'lidhen me Dukën! Dënimi i Kosovës? UEFA të vendos litarin po ule kokën
20 Nëntor, 19:54 -
Dështimi në Ligën e Kombeve dhe formacioni, përplasje në Kombëtare! Kapiten Ismajli e Uzuni dalin publikisht kundër Sylvinhos
20 Nëntor, 16:43 -
Uzuni del hapur kundër Sylvinhos: Prisja ta nisja titullar, te Granada jam i padiskutueshëm! Zinchenko: Shqipëria kombëtare e shkëlqyer
20 Nëntor, 12:07
-
Liga e Kombeve/ Shqipëria mposhtet 1-2 nga Ukraina në Tiranë, Kombëtarja mbyll Grupin B1 në vendin e fundit dhe rrëzohet në Ligën C
19 Nëntor, 22:36 -
Tre humbje, zero pikë dhe vendi i fundit! Kombëtarja U-19 mbyll kualifikueset e Evropianit me tëtë gola të pësuar
19 Nëntor, 17:50 -
Ndeshja deçizive kundër Ukrainës në 'Air Albania', trajneri Sylvinho: Për ne është finale, në fushë për tri pikë! Asani s'është gati! Kapiten Ismajli: Nesër rrugë tjetër veç fitores nuk ka (VIDEO)
18 Nëntor, 15:47
Çunat duhet te luajne gjithmone me uniforme te zeze se iu sillka fat. Ngjajne edhe me bukur.
PërgjigjuE njeta gja si me italin hysaj
PërgjigjuLaçi meriton te luaj ne Madrid apo me superskuadra si Seviglia etj ! Bravo na nderoj pjesen e pare.
PërgjigjuHysaj lojtar i vdek...me Italinë ul kokën,me Kroacinë hap shalet,me Spanjën te hapi bythen,lojtar legen
PërgjigjuAventura jone mbaroj ne ndeshjen me italine . Italia rrah croacin e spanja na rrah neve
PërgjigjuAlbania - España 1 -1
Hysaj esht pjes e klanit Duka dhe nuk ka diskutim qe do lozi.Meqe kan ber kete zgjedhje kunder mendimit te sportdashesve ju uroj humbje te thell skuadres shqiptare dhe klanit Duka-Hysaj
PërgjigjuPrapē Hysaj?!
Përgjigju