POP 5

Lajmet më të lexuara të 5 minutave të fundit

Ekonomi

Eurobondi/ Shqipëria merr 650 mln € në tregun e huaj, eksperti: I nevojshëm për të financuar deficitin! Shqetësim është niveli i borxhit në vend

Shqipëria ka marrë eurobondin e pestë prej 650 milionë eurosh, dhe me normë interesi 3.75%. Për qeverinë, marrja e eurobondit është sukses pasi tregjet e huaja vlerësuan qëndrueshmërinë ekonomike të vendit. Ndërsa sipas ekspertëve borxhi ishte i nevojshëm për të shlyer borxhet e kaluara dhe për të financuar deficitin.

650 milionë euro ishte eurobondi i 5-të që vendi arriti të emetojë në tregun e huaj, ndërkohë që synimi ishte të merrej deri në 700 milionë euro. Norma e interesit për borxhin e ri ishte 3.75% dhe afat maturimi 10 vite. Ky eurobond është në të njëjtën vlerë me atë të vitit të kaluar, ndërsa norma e interesit është më e lartë, pasi në qershor të 2020 borxhi u mor me interes 3.50%.

Procesi u udhëhoq nga zëvendëskryeministri Arben Ahmetaj dhe ministrja e financave Delina Ibrahimaj, dhe për qeverinë kjo dalje në tregun ndërkombëtar konfirmoi edhe një herë besimin e investitorëve të huaj në qëndrueshmërinë ekonomike të Shqipërisë.

Ndërkohë për ekspertin e ekonomisë Genti Beqiri, marrja e borxhit ishte ndër të paktat alternativa që ka vendi për të financuar deficitin.

“Është e vështirë në këtë periudhë që ne kalojmë, pas tërmetit dhe pandemisë, që me një buxhet të rënduar prej vitesh të kemi mundësi të rimëkëmbim dhe mbështesim ekonominë pa u mbështetur në këtë element. Marrja eurobondit bëhet për dy arsye për të financuar deficitin buxhetor, por patjetër për të mbështetur edhe pagesën e borxhit që është marrë me interes më të lartë”, pohon ish-drejtori i Agjencisë së Investimeve të Huaja Gent Beqiri.

Beqiri thotë se niveli i borxhit në vend është shqetësues prandaj thekson se duhet të investohet.

“Patjetër që është kambanë alarmi pasi borxhi është rritur, prandaj politikat që bëhen me politikat fiskale dhe buxhetin e shtetit duhet të jenë stimuluese për sipërmarrjen, për sektorët që e kthejnë më shpejt investimin. Ne duhet të fokusohemi në stimulin ekonomik, në thithjen e investimeve të huaja por edhe me investime kryesisht në arsim. Krahu i punës i kualifikuar do të thotë investime në sipërmarrje”, pohon Beqiri.

Me marrjen e eurobondit, borxhi publik në raport me Prodhimin e Brendshëm Bruto për këtë vit pritet të arrij në 80%, ndërkohë vetëm në tregun e huaj janë marrë 2.550 miliardë euro, eurobonde, ku i pari ishte në 2010 në vlerën e 300 milionë eurove me normë interesi 7.5%.

EUROBONDET E EMETUARA

Viti              Vlera               Interesi

2010         300 mln €             7.5%

2015         450 mln €             4.75%

2018         500 mln €             3.5%

2020         650 mln €             3.50%

2022         650 mln €             3.75%

SI.E./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Tosi: 20/11/2021 14:33

    Po pse shqetesoheni, se mos po i nxirni nga xhepi. Populli dobta haje edhe kete per sapun.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34