POP 5

Lajmet më të lexuara të 5 minutave të fundit

Sport

Europa League/ Milani hija e vetes, Roma e mund 2-1 dhe e eliminon! Atalanta largon Liverpoolin, në gjysmëfinale dhe Leverkusen

Europa League zhvilloi çerekfinalet e kthimit. Roma, Atalanta dhe Bayer Leverkuen kalojnë më tej.

Europa League/ Milani hija e vetes, Roma e mund 2-1 dhe e eliminon! Atalanta largon Liverpoolin, në gjysmëfinale dhe Leverkusen

Momente nga ndeshjet

Europa League zhvilloi çerekfinalet e kthimit. Roma, Atalanta dhe Bayer Leverkuen kalojnë më tej. Në gjysmëfinale do përballen Roma - Leverkusen dhe Atalanta me fituesin e çiftit Marseille - Benfica (shkoi me shtesë).

Në "Olimpico" Roma mundi 2-1 Milanin, me kuqezinjtë që ishin në një ditë "jo" dhe u dominuan nga vendasit. Djemtë e De Rossit festuan rinovimin e trajnerit me kalimin në gjysmëfinale. Mancini dhe Dybala shënuan për Romën në pjesën e parë, para se Celik të linte vendasit me një lojtar më pak për 60 minuta pas daljes me karton të kuq. Goli i Gabbia në pjesën e dytë ishte sa për statistika për Milanin, që edhe ndeshjen e parë e humbi 0-1.

Ne Bergamo skuadra e Atalantës humbi 0-1 me Liverpoolin, por falë fitores 0-3 në ndeshjen e parë skuadra e Berat Gjimshitit kalon më tej. Kapiteni i Kombëtares ishte lojtari më i vlerësuar në fushë me notën 7,3. Golin e vetëm të ndeshjes e shënoi Salah pas shtatë minutave lojë nga pika e penalltisë.

Ndeshjet e para në gjysmëfinalet e Europa League luhen më 2 maj dhe të kthimit më 9 maj.

Europa League, çerekfinalet e kthimit:

Roma 2-1 Milan (1-0 ndeshja e parë)

Atalanta 0-1 Liverpool (3-0 ndeshja e parë)

Marseille 1-0 Benfica (1-2 ndeshja e parë) - Dueli shkon me shtesë

West Ham 1-1 Leverkusen (0-2 ndeshja e parë)

Skema e Europa League

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Dita e parë në detyrë e kreut të Pentagonit, paralajmëron ndryshime të thella

Dita e parë në detyrë e kreut të Pentagonit, paralajmëron ndryshime të thella

27 Janar, 18:02