Eurostat ka publikuar fakte dhe shifra në lidhje me jetëgjatësinë dhe lindshmërinë për disa shtete të Ballkanit që janë në negociata për bisedime pranimi dhe anëtarësimi në Bashkimin Europian, (Shqipëria, Maqedonia, mali i Zi, Serbia, Bosnjë Hercegovina) si dhe për Kosovën.
Shqipëria dhe Kosova rezultojnë dy shtetet që kanë një jetëgjatësi më të lartë, si për burrat dhe për gratë dhe kanë ende një popullsi të re. Por të dy vendet janë më të varfrit e Europës. Shqipëria, në ndryshim nga Kosova po shkon drejt plakjes së shpejtë, pasi norma e fertilitetit është e dyta më e ulëta në Ballkan, pas Bosnjës, ndërsa Kosova e ka më të lartën. Të dy shtetet që flasin shqip kanë dhe dendësinë më të lartë të popullsisë në Ballkan.
Shqiptarët, si të Shqipërisë, ashtu dhe Kosovës, janë më jetëgjatët në rajon. Pritshmëria për të jetuar për gratë është 81.6 vjeç në Kosovë, më e larta nga të gjitha vendet e tjera dhe 80.5 vjeç në Shqipëri. Maqedonia e Veriut e ka 78.8 vjeç, Mali i Zi (79.3), Serbia (78.4), Bosnja (78.8).
Burrat në Shqipëri kanë një pritshmëri për të jetuar më gjatë nga gjithë Ballkani, prej 77.4 vjeç, kundrejt 75.9 vjeç në Kosovë, 74.6 vjeç të Maqedonisë, Mali i Zi (74.5), Serbia (73.5), Bosnja (73.7).
Teksa po jetojnë më gjatë, shqiptarët e Shqipërisë po lindin dhe më pak, një tendencë që mund ta çojë vendin drejt plakjes së shpejtë.
Norma e fertilitetit në Shqipëri është e dyta e u ulëta nga vendet e tjera në Ballkan, me 1.37 lindje për grua, në raport me 1.42 në Maqedoninë e Veriut, 1.76 në Mal të Zi, 1.49 në Mal të Zi. Më e ulëta, kjo normë është në Bosnjë Hercegovinë, me 1.3 lindje për një grua, ndërsa më e larta është në Kosovë, me 1.65.
Shqipëria ka ende një popullsi të re, me 17.2% të totalit që janë në moshën nën 15 vjeç, kundrejt 16.4% në Maqedoninë e Veriut, 18% në Mal të Zi, 14.3% në Serbi, dhe 16.4% në Bosnjë. Por, popullsia më e re është në Kosovë, me 24.4% të popullsisë totale.
Të ardhurat për frymë të Kosovës dhe Shqipërisë janë më të ulëtat, duke arritur në nivelin e përkatësisht 3,700 dhe 4,800 eurove për frymë. Më i pasuri është Mali i Zi (7,500 euro për frymë), , Serbia (6,600 euro), Maqedonia e Veriut (5,200), Bosnja (4,900 euro).
Dendësia e popullsisë është më e larta në Kosovë (165 banorë për km2), e ndjekur nga Shqipëria (100), Serbia (91), Maqedonia e Veriut (83), Bosnja (68), Mali i Zi (46)./monitor
Komente
Lajme të tjera
-
Raporti i EUROSTAT/ “46% e popullsisë në rrezik varfërie!”, Basha: Realitet tronditës! Të lëmë pas gjëmat e qeverisë Rama
16 Tetor, 09:37 -
Raporti i Eurostat për varfërinë, reagon Gazment Bardhi: Pasojë e 12 vite keqqeverisje
15 Tetor, 22:05 -
Shifrat e EUROSTAT: Për gjashtë muaj janë riatdhesuar 5120 shqiptarë nga vendet e BE-së dhe Anglia, një e katërta u kthyen vullnetarisht
3 Tetor, 17:54 -
Si Rusia po përhap lajme të rreme në Ballkan?
23 Shtator, 10:41 -
‘Integrimi i Ballkanit në të mirë të BE’- Zyrtari europian për DW: Shqipëria po vendos një shembull të qartë! Ka përmbushur disa prej detyrimeve pa qenë vend anëtar
14 Shtator, 09:18 -
'Lum' kërkesash për të punuar në BE! EUROSTAT: BE dha 75 mijë leje qëndrimi për shqiptarët në 2023
12 Shtator, 21:52 -
Eurostat: Edhe pas rritjeve, paga minimale në Shqipëri mbetet më e ulëta në Europë, sipas fuqisë blerëse
5 Shtator, 14:40 -
Shqipëria, rekord për rritjen e netë qëndrimeve! Kemi ecurinë më të mirë, sipas shifrave të EUROSTAT
4 Shtator, 14:03 -
Inflacioni në korrik sipas EUROSTAT ishte 2.5%, u shtrenjtuan shërbimet arsimore dhe ushqimet
20 Gusht, 16:17 -
Në gjysmën e parë të vitit 2024 bie me 75 për qind migrimi i parregullt përmes rrugëve të Ballkanit
16 Gusht, 21:32 -
Një valë ekstreme gjithandej Evropës, zgjedhjet për PE dërgojnë mesazhe shqetësuese deri në Ballkan
10 Qershor, 10:25
-
2003-2023, popullsia e Shqipërisë është plakur me ritme më të larta në Europë, mosha mediane u rrit me 11 vite
3 Qershor, 09:10
Kjo eshte shume e domosdoshmesidomos kualicionet parazgjedhore. Partite konkurojne per pushtet dhe kane programet e tyre. Keshtu qe edhe garen ta zhvillojne secila me vete sepse eshte gare. Por nje gje te dini partite e vogla si misra hamullore kane mbushur spektrin politik me mbeturina te shoqerise, nuk po jap shembuj shikojini vete, cfare duan ato , duan pushtet po ju a dha popullu i mencur le ta marrin ,por jo tu jepet se paskan sjell te PD 5 votues nga ndonje here as votat e familjes se tyre nuk sjellin. Dhe na dalin duke u tundur si heron te vendi. Une ju uroj sukses qofte PD, apo Ps . Kush fiton te marrin pergjegjesi ndaj Popullit dhe te mos mendoje per disa atavizma qe kerkojne te duken se politika eshte nje loder ne duart e tyre. Ne se kane alternative bujrum ta shpallin dhe te konkurojne por jo te thone se une kaq vota atje e aq atje, apo jam fisi i madh une dhe nuk jua jap votat. Jo kumarxhinj por alternative dhe njetes me potencal dhe dashuri per kombin.
Përgjigju