Evropa League, portugezët të
qetë, Juve fiton me vështirësi

Porto, Basel, Juve dhe Benfica kanë hedhur një hap të sigurt për kalimin në gjysmëfinalet e Evropa League pas fitoreve në ndeshjet e para çerekfinale. Edhe pse jo në të njëjtin nivel me Champions League, kompeticioni i dytë për nga rëndësia për klube në Evropë ka dhuruar sfida mjaft interesante.

Porto siguroi një fitore të rëndësishme në Spanjë përballë Sevilla me rezultatin minimal 1-0 duke qenë e qetë për ndeshjen e dytë që do të zhvillohet në Portugali. Mangala ishte autori i golit të vetëm për ekipin e Portos. Sipas të gjitha parashikimeve, Porto do të jetë një ndër katër ekipet që do të kalojnë në gjysmëfinale. Edhe ekipi tjetër portugez, Benfica mori një fitore të vuajtur, por të merituar në Holandë përballë Alkmar po 1-0 me golin e Slvios.

E kundërta ka ndodhur me Valencian, e cila në mënyrë surprizë ka humbur 3-0 në Zvicër përballë ekipit të Baselit. Delgado arriti që të dërgonte dy herë topin në rrjetë dhe Stocker, por spanjollët ende nuk e kanë thënë fjalën e fundit. Ndërsa ndeshja më e fortë e mbrëmjes u zhvillua në Francë mes Lyon dhe Juventusit. Italianët me shumë vështirësi fituan në fund 0-1 me golin e Bonuçit në të 85’.


d.b/shqiptarja.com

/Shqiptarja.com
  • Sondazhi i ditës: 18 Shkurt, 07:09

    Sulmet nga Berisha, sipas jush a rrezikon SPAK të shkrihet?



×

Lajmi i fundit

Deklarata e përbashkët për të mbështetur Ukrainën, Partia e Melonit nuk e nënshkruan

Deklarata e përbashkët për të mbështetur Ukrainën, Partia e Melonit nuk e nënshkruan