Fëmijët talentë rrëmbejnë trofetë
në “Model & Talent World”

Talentë të vegjël në fushën e kërcimit dhe të modës nga Shqipëria dhe Kosova përfaqësuan Shqipërinë në festivalin “Model & Talent World 2014” në Antalya.

Shtatë fëmijë, katër prej të cilëve nga Shqipëria dhe tre nga Kosova morrën pjesë në këtë festival, në të cilin fëmijë nga vende të ndryshme të botës shfaqën talentin e tyre. Talentët e vegjël nga Shqipëria morrën shumë çmime për performancat e tyre në kërcim si dhe në fushën e modelingut.



Në një intervistë për emisionin e mëngjesit “Rreze Dielli”, regjizori i fëmijëve talentë Saimir Zeneli, u shpreh që ata e përfaqësuan Shqipërinë në mënyrën më të mirë duke rrëmbyer dhe çmimet më të shumta.

Ndërsa tre vajzat e tjera, Rea Tresa, Maisa Tresa dhe Arbeas Bodinaku, të cilat ishin pjesë e këtij kompeticioni ku morrën disa çmime u shprehën se ky eveniment i ka vlerësuar ato dhe ndiheshin shumë të lumtura.



 Të tre-ja vajzat kanë marë nga tre çmime të ndara sipas moshës dhe talentit të tyre.

Regjizori i tyre Saimir Zeneli u shpreh “Jemi përfaqësuar në mënyrë mjaft denjitoze. Ky është një festival që është krijuar në kuadër të miqësisë dhe shkëmbimit të eksperiencave të fëmijëve”, tha ai.



Aktivitete të tilla për fëmijë duke i mbledhur ata të gjithë në festivale botërore duket se i ka shtuar atyre dëshirën për të shkëlqyer. Në intervistën me këto tre vajza të vogla, të cilat tregonin me entuziasëm eksperiencën e tyre në këtë festival dukej se optimizmi dhe shpresa për të qenë ato talentet e Shqipërinë i shtonin më tepër ngjyra bukurisë së tyre. Redaksia Online (m.z/shqiptarja.com)