Facebook ndalon të gjitha publikimet që mohojnë apo shtrembërojnë Holokaustin (VIDEO)

Në bazë të ndryshimeve më të fundit rrjeti social Facebook do të ndalojë të gjitha postimet që mohojnë apo shtrembërojnë Holokaustin.

Kreu i Facebook, Mark Zuckerberg  njoftoi për  masat e reja, në lidhje me politikën e re të rrjetit social në përpjekjen e fundit nga kompania për të ndërmarrë veprime kundër teorive të konspiracionit dhe keqinformimit.

 “Të tërheqësh linjat e duhura midis asaj që është dhe nuk është e pranueshme, nuk është e thjeshtë, por në situatën aktuale të botës, unë besoj se ky është ekuilibri i duhur”, tha  Zuckenberg.

Vendimi i Facebook erdhi pasi shumë nga të mbijetuarit e Holokaustit në të gjithë botën dhe familjarë të viktimave, filluan një fushatë për të nxitur  Zuckenberg të ndërmarrë veprime për të hequr nga rrjeti social postimet që mohonin Holokaustin. Vendimi i Facebook u mirëprit nga të gjithë duke e konsideruar atë një lëvizje të drejtë.

Kongresi Botëror Hebre e mirëpriti këtë vendim.

"Mohimi i Holokaustit, banalizimi, minimizimi i tij, është një mjet i përdorur për të përhapur urrejtje dhe komplote të rreme rreth hebrenjve dhe minoriteteve  të tjera", thuhet në reagimin e Kongresi Botëror Hebre.

Diskutimet në lidhje më këtë çështje janë rriturprej kohësh, vitin e kaluar Zuckenberg kishte deklaruar se nuk do të merret asnjë masë pasi shkelej liria e fjalës por me rritjen e postimeve antisemitiste, një masë e tillë ishte e nevojshme.

/b.ha./Shqiptarja.com

TAG:
• facebook
• Holokausti
• zuckenberg