Facebook, Whatsapp dhe Instagram 'vihen në punë' pas 6 orë ndërprerjeje, kompania: Shkak gabimi teknik gjatë konfigurimit! S'ka prova që të dhënat e përdoruesve janë kompromentuar

TIRANË- 3 rrjetet sociale, në pronësi të Mark Zuckerberg, Facebook, WhatsApp dhe Instagram pësuan një ndërprerje totale të shërbimit në të gjithë botën për më shumë se 6 orë.  Kompania ka bërë me dije se shkak ishte një ndryshim i gabuar i konfigurimit, e ndërsa shtuan se ky ishte "dështimi" më i madh që kishin parë ndonjëherë me 10.6 milion raporte problemesh në të gjithë botën.

Facebook tha se ndryshimi i gabuar i konfigurimit ndikoi në mjetet dhe sistemet e brendshme të kompanisë, të cilat e bënë shumë të vështirë zgjidhjen e problemit. Ajo që është ngritur në pikëpyetje, nisur edhe nga akuzat e shumta që kanë ardhur në drejtim të kompanive të Mark Zuckerberg, është se "se sigurta janë tashmë të dhënat tona, për të gjithë përdoruesit e këtyre mediave sociale". Në përgjigje të kësaj, kompania theksoi se "nuk ka asnjë provë që të dhënat e përdoruesve ishin komprometuar si rezultat i kësaj ndërprerjeje".

Themeluesi i Facebook u ka kërkuar falje të gjithëve.

" Facebook, Instagram, WhatsApp dhe Messenger po kthehen në normalitet. Na falni për ndërprerjen sot - e di se sa mbështeteni në shërbimet tona për të qëndruar të lidhur me njerëzit për të cilët kujdeseni", tha ai.

Postimi i Mark Zuckerberg pas rikthimit në punë të rrjeteve sociale

Disa kompani konkurrente nuk i kanë kursyer ironitë.

"Përshëndetje dhe gëzuar të hënën", shkruan Tëitter.

Postimi i Twitter

Kjo ndërprerje totale vjen në një kohë kur 37-vjeçarja Frances Haugen ka hedhur sulme të forta në drejtim të Facebook. Në një intervistë për mediat, ajo rrëfeu se dha dorëheqjen këtë vit nga kompania pasi i kishte ardhur në majë të hundës me të, por kopjoi një sasi të mirë informacioni të brendshëm përpara largimit. Haugen i ndau me “Wall Street Journal”, të cilët kanë mbi tre javë që publikojnë materialin “Facebook Files”.

Frances Haugen

Në to thuhet se Facebook i qasej ndryshe të famshmëve, politikanëve dhe përdoruesve të profilit të lartë të këtij rrjeti social. Mbi ta aplikoheshin politika të moderuara, në ndryshim nga njerëzit e thjeshtë. Më pas, u shtua dokumenti që provonte se Instagram po ndikonte në shëndetin mendor të adoleshentëve duke krijuar një mjedis toksik për ta dhe se kompania ishte e vetëdijshme. Deri më tani, Facebook i ka mohuar të gjitha akuzat duke i përgënjeshtruar ato.

Rendit zhvillimet sipas orarit:
Ora 08:04
Bllokimi i Instagram, Facebook dhe What’s App për më shumë se 7 orë, ‘shpërthejnë’ meme-t në rrjet

Një rënie e rrjeteve sociale Facebook, Instagram dhe What's app  ka ndodhur pasditen e së hënës rreth orës 17:30. Përdoruesit raportuan probleme me hyrjet e llogarive, por edhe në  lidhjet me serverin dhe ngarkimin e përmbajtjes. 

Ndërkohë që përdoruesit e tyre kanë shprehur indinjatën në rrjet krijuar meme për të ironizuar problemet më platformën e kompanisë Facebook, që zgjatën më shumë se 7 orë.

Sipas ekspertëve, bllokimi shkaktoi një rënie me 5% të aksioneve të Facebook në bursë, përkthyer kjo në 7 miliarda dollarë humbje.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord me propozimin e Berishës që votimi të bëhet i detyrueshëm?



×

Lajmi i fundit

Shkrumbohet nga flakët magazina me ushqim për bagëtitë në Kurbin, pronari: Zjarrfikësja erdhi shpejt por nuk kishte ujë

Shkrumbohet nga flakët magazina me ushqim për bagëtitë në Kurbin, pronari: Zjarrfikësja erdhi shpejt por nuk kishte ujë