FAKSIMILE: Këshilltari ligjor i Metës u arrestua për shpërdorim detyre në 2012-n, sot ligjëron për Kushtetutën

Ndërsa presidenti i Republikës, është përpjekur të ngrejë ditët e fundit skenarin artificial të një grushti shteti me letra, duke sulmuar për të disatën herë reformën në gjyqësor dhe organet e reja të drejtësisë, në krah i ka dalë edhe këshilltari i tij ligjor, Bledar Dervishaj.

Ky i fundit, u shfaq publikisht në një konferencë për shtyp, e më pas në studiot televizive duke argumentuar sipas logjikës së vet, se si ishin shkelur ligjet dhe kushtetuta e vendit me procesin e zgjedhjes së anëtarëve të gjykatës kushtetuese.

Njeriu që doli të bëjë avokatinë e lojës së radhës së Ilir Metës, në dukje i interesuar për ligjin dhe kushtetutën, në fakt rezulton të ketë patur probleme të rënda dhe serioze me drejtësinë shqiptare.

Më poshtë ju sjellim provat që dëshmojnë se Bledar Dervishaj, sot këshilltar i presidentit Meta, është arrestuar në vitin 2012, nën akuzë nga Prokuroria për veprën penale “shpërdorim detyre në bashkëpunim”.

Dokumentat e siguruara provojnë gjithashtu se Dervishaj, pasi qëndroi në arrest me burg, përdori një raport mjekësor, sipas të cilit vuante nga rrahjet e shpeshta të zemrës dhe hemorroidet, për të përfituar “arrest shtëpie”.

Gazeta TemA ka siguruar këtë vendim të Gjykatës së Rrethit Gjyqësor Tiranë, i datës 11.01.2012, ku caktohet masa e sigurisë “arrest me burg” për shtetasin Bledar Dervishaj, ish Drejtor i Zyrës Rajonale të Kthimit dhe Kompensimit të Pronave Tiranë.

Dervishaj dhe zyrtarë të tjerë të Zyrës Rajonale të Kthimit dhe Kompensimi të Pronave, duke shfrytëzuar pozitën zyrtare kanë regjistruar në mënyrë të paligjshme një pronë shtetërore, në favor të shtetasve Fejzilete Spahiu e Minerva Jenisheri në bregdetin e Spillesë.

Prokuroria e rrethit gjyqësor Tiranë, në datë 13.09. 2011 ka regjistruar procedimin penal, nr. 3728 për veprën penale të “korrupsionit pasiv të personave që ushtrojnë funksione publike” dhe shpërdorimit të detyrës. Procedimi ndaj Dervishajt ishte regjistruar mbi bazën e informacionit të ardhur nga policia e shtetit.

Shtetasi Bledar Dervishaj, thuhet në dokumentin e Gjykatës, me detyrë ish drejtor Z.R.K.K.P i qarkut Tiranë, ka qënë në dijeni të faktit se po privatizohet një sipërfaqe ranishte me pronar shtetin dhe se kjo pasuri ndodhet larg territorit në të cilin ndodhet pasuria e pretenduar nga familja Jenisheri, e si rrejdhojë regjistrimi hipotekor i kësaj prone është paraqitur “ranishtja” e kthyer në “pyll”.

Më poshtë sjellim edhe procesverbalin e ekzekutimit të vendimit të Gjykatës së Rrethit Gjyqësor Tiranë, për shoqërimin në dhomat e paraburgimit të Bledar Dervishajt, nga ana e drejtorisë së policisë së qarkut Tiranë.

Më tej, kundër vendimit për caktimin e masës “arrest me burg” është bërë ankim në Gjykatën e Apelit Tiranë, e cila në 27 Janar 2012 ka vendosur miratimin e vendimit të gjykatës së rrethit Gjyqësor Tiranë, pra duke lënë në fuqi masën e arrestit me burg.

Më tutje, kundër vendimit të Gjykatës së Apelit është bërë rekurs nga Dervishaj në Gjykatën e Lartë, e cila me vendimin nr.197 datë 01.03.2013 ka vendosur mos pranimin e rekursit të ushtruar nga personi nën hetim Bledar Dervishaj kundër gjykatës së apelit, duke lënë kështu në fuqi masën arrest me burg.

Në këtë situatë, avokati i Dervishajt, Saimir Kola, mendoi një zgjidhje të re. Ai do të kërkonte më pas në Gjykatën e Rrethit Gjyqësor Tiranë, zëvendësimin e masës së sigurimit për klientin e tij, duke përdorur si provë një akt ekspertimi mjeko ligjor sipas të cilit, Dervishaj vuante nga sëmundja e frekuencës së shtuar të rrahjeve të zemrës, dy plagë ulceroze si dhe trajtohej për hemoroidet interne të ndërlikuara.

Sipas avokatit, Dervishaj nuk mund të përballonte në këtë gjendje shëndetësore, masën e arrestit me burg. Gjyakata pasi shqyrtoi çështjen vendosi zëvendësimin e masës së sigurisë nga “arrest me burg”, në “arrest shtëpie”. Vendimi u shpall në 23.03.2012.

Këto prova i japin përgjigje në fakt pyetjes se pse presidenti Ilir Meta është duke i fryrë zjarrit kundër rendit demokratik dhe institucional, kundër organeve të drejtësisë.

Ai i trembet jo vetëm fatit të tij personal, në ditën e llogaridhënies para organeve të drejtësisë si SPAK-u, por edhe të njerëzve pranë tij me të shkuar kriminale si Dervishaj, që siç provojnë hetimet e Prokurorisë, ka patur probleme të renda me korrupsionin dhe shpërdorimin e detyrës./Tema.al

B.K./b.ha./Shqiptarja.com
  • Sondazhi i ditës:

    Ju duket i drejtë ndëshkimi deri në 15 vite burg për ata që thyejnë karantinën?

Komento

Komente

  • Tosi: 22/02/2020 07:54

    Populli shqiptar e ka pare particken neofashiste te leshitlikes si i bente dikur mitingjet pompoze tek Asllan Rusi , kur lideri taman si Fyrheri ne pallatin e Nurembergut ne 1933 fryhesh si gjel dhe turma e sharebajgave te Nafije Dybekut ne ekstaze te plote pas trajnimit ne Haremin fashist te Jales ulerinte_ leshilikes force e pare _larg qofte te behet Nafije fallxhorja kryeministre, dhe Nora bythderrja perlotesh ne salle bashke me Kejdi dhembcakallen, komandanten e jenicereve naziskine te Jales Floida surratufon,Klajda surratnallonen, Erisa hundpinoken, gjithe shpifaraket e planetit. Kurre me leshelija ne pushtet, kjo particke drejtoresh dhe ministrash hajdute qe gerryen deri ne palce buxhetin e shtetit duke vjedhur per vilat e Nafije dybekut dhe wc e maces se fallxhores...

    Përgjigju
  • tufa: 21/02/2020 23:00

    CFARE LEGENI,,,si mund te behet keshilltar njeri qe ka qene ne burg....

    Përgjigju
  • Bobi: 21/02/2020 22:31

    Cfar legen Presidenti qe kemi rrethuar me burgaxhinj

    Përgjigju
  • Naqe: 21/02/2020 21:53

    Meta fosilja nuk ka lens burgaxhi dhe kriminel pa marr te punoj per te dhe per administraten shoqerore. Kur ishte minister I jashtem my gjithologu i pushtetit ja arrestuan sekretarin e pergjithshem te ministrise ne ambasade amerikane sepse ishte denuar ne Amerike si kriminel dhe drogaxhi dhe Mete matufi nuk beri as gek as mek... Populli shqiptar te do ne burgty o ilir idioti nje ore e me pare... Kaq e thjeshte eshte..

    Përgjigju
  • edi: 21/02/2020 19:47

    Po lere or Skenderbeun e Skraparit ,ku ti mblidhte tere ato marifete ai per Dervishaj or kelyshet e tjere me partine ,L.S.I -ste . Ju beni idiotin Ke te bente me pare Skenderbeu i Skraparit ,kontrollin ne CHEZ ,OR TE RUANTE bERISHEN SE MOS BENTE PRAPESIRA SI VJEDHJE DHE VRASJE MBAS SHPINE SI MALESOR ME BESE ,Apo Lulushin qe sishte i zoti njeri te bente detyrat si p/minister ,i brendshem i jashtem or te ruante hajdutet qe po i vinin verdalle Floririt te Krrabes . Nese e quani te kollajte hajde bejeni ska njeri ne Bote ta bente ,Dhe se fundi mori vajzen e nderuar te Dibres Moniken ,dhe e thirrnin Kollovar ,Ajo ka dale nga Instikami dridhet e perdrillet nga Amerika ,eshte jashte themeleve te Partise ,Kunder luftes se Proletariatit dhe Partise qe i rriti Po ska gje ka Berishen me Dixhital ,dhe Lulushin( Me degjo mua po mos bej si bera e bej une, por bej si te them une)

    Përgjigju