POP 5

Lajmet më të lexuara të 5 minutave të fundit

Opinion

Faktet që çmontojnë bllofin
Berisha-Basha/ Nga Flogert Muça

Dita e djeshme dhe e sotmja janë të mbushura me lajme rreth një zgjidhje të mundshme të krizës së krjuar nga çadra e Partisë Demokratike. 
Faktet që çmontojnë bllofin<br />Berisha-Basha/ Nga Flogert Muça
Dita e djeshme dhe e sotmja janë të mbushura me lajme rreth një zgjidhje të mundshme të krizës së krjuar nga çadra e Partisë Demokratike. 

​Pas vizitës së zëvëndësndihmësit amerikan të shtetit Yee, ku Bashës ju la 24 orë afat për të dalë nga çadra, ky i fundit ka patur dje një ditë intensive ecejakesh nga selia e PD tek 17 katëshi ku ka zyrën Berisha. Me takime 10 minutëshe me aleatët dhe 1 orëshe me Berishën, Basha linte të kuptohej se zgjidhje nuk do të kishte. Ose e thënë më saktë, zgjidhje nuk do të pranonte.

Mirëpo, nuk e la me kaq. Përpos ecejakeve filloi të nxirrte edhe lajme të natyrës provokative, duke tentuar ta hedhë topin në fushën e Ramës, kur në fakt, ai shte pothuajse në portën e tij.

Por si qëndron e vërteta e lajmeve të fabrikuara nga Basha dje dhe sot, kur bëhet fjalë për paketën Mcallister?

Cila ishte paketa Mc Allister e propozuar në datë 25 prill, të cilën Basha nuk e pranoi?

Për të çmontuar sajesat, së pari duhet të jemi korrekt me faktet, para se të nxitohemi me opinionet.

Ajo përmbante 5 pika të cilat vijojnë si më poshtë:

1. Shtyrje të procesit zgjedhor mundësisht për në 16 korrik.
2. Zëvendësim të katër ministrave të qeverisë Rama me persona teknikë të propozuar nga kryeministri dhe të pranuar nga opozita.
3. Zgjidhjen me konsensus të Presidentit të Republikës dhe të Avokatit të Popullit.
4. Kreu i KQZ të ishte i opozitës, me kushtin që shumica t’i lihej mazhorancës.
5. Tryezë e rrumbullakët të OSBE për pjesëmarrjen e OJQ –ve në monitorimin e procesit.

Cilat janë faktet?

Fakt është që Basha nuk e pranoi këtë paketë në 25 prill, duke kërkuar më çdo kusht edhe largimin e kryeministrit.

Fakti tjetër është poashtu se kjo paketë, vlente për 25 prillin (sa i përket pjesës së shtyerjes së zgjedhjeve), e kjo jo për ndonjë tekë politike, por sepse në atë kohë edhe Kushtetuta lejonte (pa e shkelur) shtyerjen e zgjedhjeve deri në mes të korrikut.

Fakt poashtu është se sot, edhe sikur të dojë Rama, Kushtetuta nuk e lejon të shkojë në zgjedhje në vjeshtë, kështu që çdo pretendime pasthirrmë e Bashës për zgjedhje në shtator-tetor, është në fakt një lojë për të mos hyrë në zgjedhje, duke tentuar të lërë topin në gjysmë fushën e Ramës.

Fakti tjetër është se Basha kërkon që të ketë një identifikim biometrik të zgjedhësve, të cilën sipas PD-së, PS-ja nuk e ka refuzuar por ka pranuar të diskutohet. Por, në fakt, kjo kërkesë e PD-së është edhe një tjetër kusht që zgjedhjet të shtyhen, ose e thënë ndyshe, kusht i panegociueshëm nga Rama.

Kështu, Basha nxjerr stërkëmbësha në çdo moment vetëm e vetëm që të mos ketë zgjidhje. Ai bën propozime anti-kushtetuese mbi të të cilat e di edhe vetë që Rama nuk del dot.

Tezat që Rama po i thotë “JO” paketës Mc Allister kur në fakt është Basha që asaj pakete i shton kushte  anti-kushtetuese, është një lojë e pisët nervash e cila nuk i shërben në asnjë rast zgjidhjes.

Berisha dhe Basha po luajnë një lojë të shëmtuar, duke kërkuar shkelje të Kushtetutës nga njëra anë me pretendimin se pastaj do votojnë Vettingun. Një bllof që dhe më idiotët ndër turma do e kuptonin.

Mesa duket, Berisha dje ka vendosur të lërë Bashën dhe PD-në në çadër dhe jashtë zgjedhjeve dhe ka nisur një fushatë disinformuese për t’i lënë topin e fajit Ramës, kur në fakt, Rama nuk ka asnjë lidhje më me këtë histori. Sepse është PD-ja përballë Kushtetutës tanimë. E përballë Kushtetutës, çdo kusht kundër saj është nul dhe që nuk tenton zgjidhje, por krijimin e një precedenti që do i kushtonte shumë vendit; shumë më shumë se mospjesmarrja e PD-së në zgjedhje.

Redaksia Online
(B.K/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë

Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë

25 Nëntor, 18:56