POP 5

Lajmet më të lexuara të 5 minutave të fundit

Politikë

Falsifikuan materialet zgjedhore
çohen në gjykatë 8 anëtarët e KZAZ

LEZHE/ Pas hetimit të nisur prej disa muajsh Prokuroria e Lezhës ka dërguar në gjykatë dosjen për 8 komisionerët e KZAZ numër 13, në Lezhë të cilët manipuluan rezultatin e zgjedhjeve të përgjithshme të 23 qershorit të viti 2013-të. 
LEZHE - Pas hetimit të nisur prej disa muajsh Prokuroria e Lezhës ka dërguar në gjykatë dosjen për 8 komisionerët e KZAZ numër 13, në Lezhë të cilët manipuluan rezultatin e zgjedhjeve të përgjithshme të 23 qershorit të viti 2013-të. 

Hetimet e prokurorisë kishin nisur pas kallëzimit që kishte bërë nga Komisioni Qendror i Zgjedhjeve. Ata akuzohen për “falsifikim të materialit zgjedhor dhe të rezultateve të zgjedhjeve”, të kryer në bashkëpunim” thuhet në njoftimin e Prokurorisë së Lezhës.

Nga veprimet procedurale të prokurorisë ka rezultuar se ata kanë kanë ndryshuar rezultatin e tabelave për 10 qendra votimi në 10 komuna të rrethit të Lezhës. Në bashkëpunim me njëri tjetrin të gjithë anëtarët kanë firmosur ndryshimin e tabelave.

Pas dyshimeve për manipulim të zgjedhjeve me kërkesë të Partisë Demokratike të gjitha kutitë e votimit u dërguan për rinumërim në Komisionin Qendror të Zgjedhjeve në Tiranë ku rezultoi se kanë qenë më shumë se 800 vota të cilat ishin vjedhur duke i dërguar në favor të Partisë Socialiste.

Pas rinumërimit në KQZ rezultati ndryshoj duke bërë që koalicioni i djathtë të marrë 4 mandate deputetësh, ndërsa ai i majtë të marrë 3 mandate deputetësh.

Pas fitores së zgjedhjeve të së majtës të gjithë anëtarët e KZAZ u shpërblyen me poste drejtuese siç është edhe rasti i Lek Prendit i cili edhe pse është person nën hetim është Drejtor i Autoritetit Kombëtar të Ushqimit në Lezhë

Në përfundim të hetimeve, prokuroria e Lezhës ka dërguar kërkesën për gjykim ndaj shtetasve:

1 - Alketa Hoxha (Kryetare e KZAZ), PS
2 - Aleksandër Gjonmarkaj (Sekretar i KZAZ) LSI
3- Gjovalin Gjeloshi (Nenkryetar i KZAZ), PD
4- Leke Prendi, (anetar), PS
5- Gjergj Doda, (anetar), PD
6- Bardh Dedgjonaj, (anetar), LSI
7- Vitore Palaj (anetare) PS
8- Shaqe Marinaj (anetare). PD

Redaksia Online
(e.c/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27