POP 5

Lajmet më të lexuara të 5 minutave të fundit

Ekonomi

Familjet e pasura shpenzojnë 34 herë më shumë për arsimin se ato të varfra, lajmërohet polarizim i shoqërisë

Pabarazitë në arsim po rriten dita – ditës, teksa shtresat e popullsisë me të ardhura të larta po i rrisin shpenzimet për t’u arsimuar me ritme më të shpejta se ato të varfra.

Familjet e pasura shpenzojnë 34 herë më shumë për arsimin se ato të varfra, lajmërohet polarizim i shoqërisë

Foto ilustruese

TIRANË- Pabarazitë në arsim po rriten dita – ditës, teksa shtresat e popullsisë me të ardhura të larta po i rrisin shpenzimet për t’u arsimuar me ritme më të shpejta se ato të varfra.

Thellimi i pabarazive në arsim shtron premisat për thellimin e hendekut pasuror në të ardhmen.

Nga të dhënat e INSTAT shihet se në vitin 2019 familjet e pasura, që përfshihen në 20 përqindëshin me të ardhurat më të larta, i kushtuan arsimit gati 7% të shpenzimeve mujore, ndërsa familjet e varfra ato në 20 për qindëshin me të ardhura të ulëta shpenzuan për arsimin vetëm 0.2% të buxhetit mujor.

Nga të dhënat shihet se, shpenzimet e familjeve të “pasura” janë 34 herë më të larta se ato të familjeve të varfra.

Më shumë se mungesa e fondeve, familjet në nivelin e poshtëm të të ardhurave nuk i kushtojnë vëmendjen e duhur arsimit, përderisa shpenzojmë më shumë nga buxheti i tyre për t’u argëtuar.

Arsimi, i cili është mjeti kryesor për të ndryshuar perspektivën e varfërisë për këto familje mbetet më i nënvlerësuar, sipas anketës së INSTAT për strukturën e shpenzimeve mujore në familjet shqiptare më 2019.

Të dhënat zyrtare tregojnë se, familjet e varfra shpenzojnë vetëm 0.2% të buxhetit të tyre mujor për arritjet mësimore, në të kundërt shpenzimet për argëtim, restorante dhe hotele marrin 3.2% të buxhetit mujor të tyre. Shpenzimet për këto shërbime shihet të jenë 16 herë më të larta se, ato për arsim.

Siç shihet nga të dhënat e INSTAT, familjet me të ardhura të larta i kanë rritur shpenzimet për arsim me ritme shumë më të larta se familjet e varfra në dekadën e fundit.

Në vitin 2009, familjet me të ardhura të larta çonin 3.8% të shpenzimeve të tyre mujore për shërbimet arsimore, ndërsa në vitin 2019, ky tregues ishte 6.9%.

Familjet më të varfra në vitin 2009 i dedikuan vetëm 0.1% të buxhetit të tyre mujor shërbimeve arsimore, ndërsa në vitin 2019 ky tregues ishte 0.2%

Në të gjithë botën, arritjet arsimore janë guri i themelit për të ndryshuar perspektiven ekonomike të një vendi, ndërsa barazitë në arsim sigurojnë një rritje gjithëpërfshirëse dhe të qëndrueshme të ekonomisë./Monitor

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Njoni: 27/11/2020 09:36

    Joooo nuk besoj të jetë kështu. Gjithë ky disnivel te shtresat e pupullsisë !!? (Pauz ironike me ngërrdheshje) se po të jetë kështu i bie që socializmin ta puthnim në ballë.

    Përgjigju
  • Tralala zura nje gale: 27/11/2020 09:19

    O Turi jemi ne kapitalizem a e kupton se kapitalizmi ka ne themel privatizimin dhe parane ajo qe kerkon ti realizohet ne socializem.

    Përgjigju
  • blerta: 27/11/2020 09:00

    Kjo eshte normale, populli thote shtri kembet sa ke jorganin... Jetojme ne kapitalizem.

    Përgjigju
  • Ggg: 27/11/2020 08:41

    Ah o Turi.... vendi eshte bere me keq... shume shume me keq sa ska ku te shkoje...

    Përgjigju
  • Turi: 27/11/2020 08:19

    Duhet te zhduken shkollat private dhe spitalet private qe te mbahet nivel i larte ne ato shteterore ne rast te kundert vendi do te behet akoma me keq

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Lezhës, PS përmbys rezultatin dhe merr 4 mandate deputetësh

Sondazhi i Lezhës, PS përmbys rezultatin dhe merr 4 mandate deputetësh

25 Dhjetor, 22:12