POP 5

Lajmet më të lexuara të 5 minutave të fundit

Ekonomi

Fasoneria letër qeverisë: Po humbim 9 mln euro në muaj! Prençe: 50 punonjës po largohen çdo ditë nga sektori! Pro-eksport: Të kompensohemi për humbjet nga rënia e euros

Prodhuesit e veshjeve dhe këpucëve kërkojnë nga qeveria të mbështeten me fondet dhe të kompensohen për humbjet që po ju shkakton rënia e euros. Në konferencë për mediat ata deklaruan se humbjet e tyre mujore arrijnë në 9 milionë euro, ndërkohë që çdo ditë po heqin nga puna nga 50 punonjës si rezultat i krizës

Pas krizës që përfshiu sektorin e manifakturës për shkak të mungesës së punëtorëve, tashmë ata po heqin nga puna 50 persona në ditë, për shkak të humbjeve që po ju shkakton zhvlerësimi i euros.

“Ne dita ditës kemi një humbje në rreth 50 punonjës që largohen nga sistemi i punës në vendin tonë. Po humbasim konkurrueshmërinë tonë në krahasim me vendet ballkanike”, tha në konferencë Ervin Prençe.

Të dhënat e INSTAT flasin për një rënie të eksporteve me 47.4 milionë euro në 10 muaj, ndërkohë që shoqata pro-Eksport thotë se humbjet janë edhe më të mëdha.

“Ajo çfarë ne kemi llogaritur është 150 euro humbje për punonjës, ose 9 milionë euro humbje në muaj në sektor”, tha Prençe.

Në letrën që i kanë dërguar ministrit të Financave Ervin Mete, përveç kërkesës për dialog dhe për të gjetur zgjidhje ata thonë se duhet të miratohet paketa që mbështet manifakturën.

“Paketa manifakturë ka mbi 3 vite në sirtarët e Ministrisë së Financave, nuk ka asnjë lloj reagimi”, pohon Prençe.

“Meqë ne kemi këtë rënie ne duhet të kompensohemi”, tha Florjan Zekja.

Këtij sektori i është premtuar që në vitin 2021 miratimi i një garancie sovrane për ti mbështetur për të investuar në makineri dhe në përshtatjen e zinxhirit të prodhimit me kërkesat që ka tregu i huaj.

EKSPORTET E TEKSTILE E KËPUCË

Janar-Tetor 2022                     1089796635

Janar-Tetor 2023                     1042322104

Diferenca                                 -47,474,531

 

Leter Min se Financave PANDEMIA EKONOMIKE

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Falimentoni: 24/11/2023 14:46

    S'ka garanci sovrane. Nuk keni puntorë t'ju garantojnë ju. Qeveria letra bën, punëtorët ju garantojnë ju.

    Përgjigju
  • mergimtari: 24/11/2023 14:24

    Nga cilat para kerkojne keta "kapitaliste"te kompesohen?Levizjet ne tregun e lire te mallit e te monedhes,jane pjese e ligjeve ekonomike.Mjaft me mbrockulla te tilla.

    Përgjigju
  • Sondazhi i ditës: 6 Janar, 20:03

    Si iu duket trafiku rrugor në Shqipëri?

Lajme të tjera



×

Lajmi i fundit

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

Media greke: Dritan Rexhepi, shqiptari që ndërtoi kartelin e kokainës, nga ‘investitori’ grek në ‘Escobarin’ e ri të perandorisë së drogës

7 Janar, 23:01