Humbjet në sektorin e fasonerisë nuk ndalen. Vetëm në 2 muajit e parë të vitit eksportet e tekstileve dhe këpucëve i tkurrën me 10 milionë euro. Veç zhvlerësimit të valutave që ju ka ulur fitimet pasi kjo industri kontratat i ka kryesisht në euro, sipërmarrësi Florjan Zekja, liston edhe një sërë arsyesh të tjera që po dëmtojnë sektorin.
“Zhvlerësimi i valutës është një fenomen që na ka shoqëruar në 2-3 vitet e fundit që ka qenë vendimtar për rritjen e kostove për industrinë me material porositës. Por ka edhe faktorë të tjerë siç është kriza evropiane, luftërat e ndryshme nëpër botë, rritja e kostove për punëtorë, janë disa faktorë që kanë sjellë që biznesi i manifakturës të mos jetë aq atraktiv”, tha Zekja.
Përshtatja me realitetin e ri të një euroje në kufirin 100 lekë dhe dollari në 90 lekë është e vështirë.
“Të përshtatësh kontratat me një kurs këmbimi i cili për 1 vit e gjysmë ra me 20% është shumë e vështirë, por ka biznese që kanë gjetur alternativa të tjera dhe për të bërë kontrata më të qëndrueshme”, shprehet sipërmarrësi.
Problem vijon të jetë edhe mungesa e fuqisë punëtore, që i ka orientuar këto biznese deri në Filipine.
“Ka biznese që i janë drejtuar vendeve të botës së tretë për të marrë punëtor me një kosto më të ulët për të përballuar mungesën e punonjësve në biznesin e manifakturës. Nga Miamari apo Filipinet janë vende që kanë punonjës shumë të adaptuar me biznesin e manifakturës”, tha Zekja.
Nga ditët e vështira të këtij sektori në vend po përfitojnë vendet e treta deri në Afrikë po rrëmbejnë kontratat që bizneset shqiptare i kishin me të huajit.
“Një pjesë e klientëve tanë kanë filluar të shohin dhe të diversifikojnë prodhimin e tyre në vende të tjera siç është Uzbekistani apo Afrika e Veriut ku kanë filluar të s’postojnë një pjesë të produktit”, pohon ai.
Sipërmarrjet e këtij sektori shitën jashtë mallra me vlerë 175 milionë euro përgjatë janarit e shkurtit nga 185 milionë euro vjet. Ndërsa importet kanë një përmirësim të lehtë prej 1 milionë euro, pasi nga jashtë ky sektor ka blerë mallra me vlerë 125 milionë euro në këtë dymujor të parë të vitit.
Komente
Lajme të tjera
-
Marka VS “fake”! Biznesi pro nismës: Prodhuesit vendas u dëmtuan nga falsiteti, të mos lejohet importi i imitimeve
5 Mars, 15:58
-
Më i ulëti që prej vitit 2008, bie borxhi publik i Shqipërisë, rënia e valutave ‘bekim’! Në 2024, vendi borxh 54.7% të PBB
24 Shkurt, 15:38
-
Eksportet më mirë, por ende larg vitit 2023! INSTAT: Vijon kriza e fasonerisë, në janar tekstilet ranë 2.3%
17 Shkurt, 16:02
-
Vlorë/ Pa rroga që prej muajit Dhjetor, 150 punonjës të fasonerisë hidhen në protestë: Edhe Zyra e Punës s’na dha zgjidhje, do e vijojmë pa afat!
23 Janar, 16:51
-
Vlorë/ 250 punonjës të Fasonerisë në protestë për kushtet e punës, 8 muaj nuk paguhen siguracionet
27 Nëntor 2024, 09:06
-
Manifaktura 230 mln euro humbje prej zhvlerësimit të kursit, BSH: Ky sektor duhet të ndryshojë modelin e biznesit
15 Nëntor 2024, 10:21 -
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor 2024, 11:43
-
Zhvlerësimi i valutave godet prodhimin vendas, në 9 muaj eksportet u ulën 47 mld lekë! ‘Made in Albania’ vlejnë më pak se vjet
18 Tetor 2024, 21:06
-
Elbasan/ Punonjës të paregjistruar dhe mosdeklarim të ardhurash në Tatime, nën hetim administratorja e fasonerisë
9 Tetor 2024, 16:42 -
Kriza e euros/ Fasoneria 'nuk ngre kokë', afro 150 mln euro më pak eksporte
30 Shtator 2024, 15:35
-
Kursi ‘djallëzor’ mund Bankën e Shqipërisë, edhe pse bleu valutë përgjatë dy muajve euro vijoi zhvlerësimin
23 Gusht 2024, 13:58
-
Jo euro në dyqane, restorante, farmaci e qendra tregtare! BSH për Report TV: Opsion edhe vendoja e një tavani për cdo pagesë me monedhën evropiane
14 Gusht 2024, 16:31
