Fatet e skuadrave në udhëkryq, por derbi Milan-Inter ndez sonte Italinë! Pioli: Zikaltërit favorit, por nuk është vendimtare

Milano do të ndizet sonte nga derbi i Madoninës mes Milanit dhe Intërit, që pavarësisht se është për javën e 12 të Seria A, duket tejet vendimtar. Milan kryesues ka rastin të eliminojë një rival të madh për titullin dhe nuk dëshiron ta humbasë, ndërsa Inter ka në dorë mundësinë për të ngushtuar diferencat dhe për të treguar se mbeten pretendentët kryesor për kampionatin.

Lajmi më i mirë për të dy tifozëritë është se stadiumi do jetë i mbushur në kapacitetin maksimal, 57 mijë vende ose ndryshe 75% e San Siro-s, aq sa ç’lejohet prej pandemisë.

Morali më i lartë është te Milan, që fiton prej 7 ndeshjesh dhe mban vendin e parë, por sonte Pioli do ketë të padisponueshëm Hernandez, portierin Manjë, Castellijo dhe Junior Messias. Te Inter infermieria është bosh, ndërsa në prag të ndeshjes trajneri i zikaltërve Simone Inzaghi është shprehur ‘se ka parë motivimin e duhur te lojtarët’, ndërsa shton se ‘thelbësorja në këtë ndeshje është fitorja’.

Nga ana tjetër Stefano Pioli e quan Interin ‘një ekip shumë të fortë dhe pretendent për titullin’, ndërsa nënvizon se ‘ky derbi nuk është vendimtar për titullin’. Sa i takon historisë Milan ka më shumë fitore se Inter, por zikaltërit në 7 derbit e fundit kanë fituar 6.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kush fiton më shumë bashki në zgjedhjet e pjesshme vendore Basha apo Berisha?



×

Lajmi i fundit

John

Zgjedhjet në 6 bashki, Braho: Nën logon e partisë garojnë ata që zgjedh kryetari, i cili rezulton nga vërtetimi i gjykatës! Beqiri: Meta u takua me Ballën për datën, e kamufloi për t'i bërë qefin Berishës