POP 5

Lajmet më të lexuara të 5 minutave të fundit

Fati i PD në Apel, ndryshohet relatori i çështjes së ankimit të Bardhit për statutin e 18 dhjetorit

Në Gjykatë e Apelit të Tiranës çështja më e nxehtë e kohëve të fundit është ajo e shqyrtimit të ‘fatit’ të Partisë Demokratike, nëse do të mbetet në dorë të Berishës apo jo. Kur të gjithë presin datën e shyqrtimit apo vendimit, Gjykata e Tiranës ka njoftuar sot si pasojë e procedurave brenda saj ka ndryshuar relatorin e ccështjes së ankimit të Gazment Bardhit për statutin e 18 dhjetorit.

Fati i PD në Apel, ndryshohet relatori i çështjes së ankimit të Bardhit për statutin e 18 dhjetorit

Gjykata e Apelit

Në Gjykatë e Apelit të Tiranës çështja më e nxehtë e kohëve të fundit është ajo e shqyrtimit të ‘fatit’ të Partisë Demokratike, nëse do të mbetet në dorë të Berishës apo jo. Kur të gjithë presin datën e shyqrtimit apo vendimit, Gjykata e Tiranës ka njoftuar sot si pasojë e procedurave brenda saj ka ndryshuar relatorin e çështjes së ankimit të Gazment Bardhit për statutin e 18 dhjetorit.

Gjykata e Apelit Tiranë ka njoftuar se pas rihedhjes së shortit do të jetë relatore Irida Kacerja në vend të Genti Shalës, që ishte përcaktuar në shortin e mëparshëm së bashku me gjyqtaret Edlira Petri dhe Elona Toro. Trupa e re gjykuese do të shqyrtojë ankimin e Partisë Demokratike për mos regjistrimin e Statutit të 18 dhjetorit bashkë me ndryshimet në  Kuvendin e 17 korrikut.

Gjyqtari Agron Zhukri më datë 25 mars regjistroi ndryshimet e statutit të miratuara në Kuvendin e 11 dhjetorit të thirrur nga Sali Berisha. Gjyqtarja Blerina Muça ka pranuar në 18 mars të 2022 kërkesën e bërë nga Gazmend Bardhi për njohjen e ndryshimeve në statutin e PD të miratuara në 17 korrik 2021, vendim i cili u ankimua më pas nga vetë Bardhi që kërkoi bashkëngjitjen e ndryshimeve të vendosura nga Kuvendi i thirrur nga Lulzim Basha më 18 dhjetor.

Gjithashtu në Gjykatë është edhe ankimi i Enkelejd Alibeajt kundër vendimit të Zhukrit për regjistrimin e statutit të Berishës. Për këtë arsye, Gjykata sqaroi më parë se çdo pasqyrim në regjistrin e partive politike në Gjykatën e Tiranës do të pritet sqarimi i çështjes në apel, e cila do të ishte një vendim i formës së prerë që do vendosë për fatin e Partisë Demokratike.

Pasi u njoh me argumentet e plota të gjyqtarit Agron Zhukri, që më 25 mars i dorëzoi Partinë Demokratike Sali Berishës dhe Komisionit të Rithemelimit, në cilësinë e nënkryetarit të selisë blu, Enkelejd Alibeaj ankimoi vendimin për regjistrimin e statutit logos dhe vulës së re, të miratuara nga grupi i Berishës më 11 dhjetor. Në ankimin, Alibeaj kërkon prishjen e këtij vendimi, duke e rikthyer çështjen për gjykim nga një tjetër trupë gjykuese ose pushimin e saj.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve

25 Dhjetor, 16:02