Por, ajo çka na ka bërë më kurioz gjatë ktyre ditëve ka qenë loja që po bëjnë dy prej banorëve të këtij edicioni, çifti Fatjoni dhe Matilda, një dashuri e kurorëzuar prej 10 vitesh përball lojës së “Big Brother”.
Fatjoni dhe Matilda nuk janë më duke bërë lojra fjalësh! Duket se sjellja e Fatjonit me Julianën është kthyer në një shqetësim vërtet serioz për Matildën.
Ajo e nis bisedën duke i thënë ‘boll të durova’ dhe shton se nuk ka më ndërmend të shqetësohet për veprimet e tij, pasi gjithë këto kohë ka pasur mendjen tek ai, duke u shqetësuar për lidhjen e tyre.
Nëse loja e tij është ajo që ka zgjedhur të bëjë, atëherë edhe ajo ka vendosur të bëjë lojën e saj.
Por, gjendja e irrituar mes çiftit nuk ndalet këtu. Të martën Fatjoni dhe Matilda vihen përball njëri-tjetri duke u ngacmuar me fjalë, ndërkohë që Jona pastron kuzhinën.
Fatjoni i tregon Matildës se është bërë shumë xheloz për mënyrën sesi ajo kërcente me Valerin.
Ai është i mendimit se Matilda dridhet kur kërcen, madje provokon edhe me veshjen e saj.
Matilda ia kthen shume e bindur: “Mirë ta bëra, kështu e do ti, se kam ndejtur gjithë këto ditë si qenushe pas teje”.
Fatjoni insiston dhe i thotë që nuk ka asnjë motiv që të sillet ashtu, duke i rrëfyer që sot gjithë ditën ka qenë keq prej saj.
Matilda duket se kënaqet me xhelozinë e burrit të saj dhe vazhdon ta ngacmojë, duke i thënë që ai rri tërë ditën pas Julianës.
Fatjoni nis ta provokojë dhe i thotë që çfarë do të mendojë ajo nëse bëhet çift me Julianën.
Matilda e vendosur i përgjigjet: “Nuk e pranoj dhe pikë”. Matilda fillon kritikat ndaj Fatjonit, duke e këshilluar që të jetë më i vendosur në veprimet që bën.
Ajo është e bindur që Fatjoni rrezikon më shumë se të gjithë banorët të dalë të premten, pasi ai nuk është sjellë aspak mirë ndaj saj.
Matilda shprehet se Fatjoni nuk ka qenë i drejtë me të dhe publiku që ka parë çdo gjë, nuk e ka pëlqyer sjelljen e tij.
Fatjoni duket indiferent dhe thotë nëse duhet të dal të premten, do të dal.
Mendimin se Fatjoni rrezikon të dalë të premten, Matilda e ndan edhe me Arditin, i cili vjen përsëri pranë tyre.
Arditi shprehet se nuk ka asnjë mendim, pasi nuk i dihet kush del nga shtëpia.
Shkrimi u botua në numrin e sotëm të gazetës "Shqiptarja.com"
Redaksia online
(b.t/shqiptarja.com)