POP 5

Lajmet më të lexuara të 5 minutave të fundit

Ekonomi

Fermerët sytë nga eksporti, shitje rekord zarzavatesh, 10.9 mld lekë në 10 muaj! Mallrat e importuara më të lira, por çmimet në treg rriten

Më shumë se 107 milionë euro është vlera e eksporteve të zarzavateve nga janari deri në fund të muajit tetor, duke regjistruar një rritje të fortë krahasuar me vjet. Sipas INSTAT për këtë periudhë janë shitur janë vendi 131 mijë tonë zarzavate, duke dëshmuar që fokusi i fermerëve janë tregjet e huaja dhe jo ato vendase.

Tregu i huaj po ‘rrëmben’, muaj pas muaji mijëra ton produkte ushqimore të prodhuara në Shqipëri. Më shumë se një e treta e eksporteve të vendit për grupin e produkteve ushqimore, zihet nga zarzavatet.

Të dhënat e INSTAT, tregojnë se sytë e fermerëve tashmë janë të orientuar drejt tregut të huaj pasi iu sjell më shumë të ardhura, për shkak se produktet i shesin më shtrenjtë jashtë sesa në tregjet vendase.

Sipas përllogaritjeve bazuar në të dhënat e INSTAT, në 10 muaj të këtij viti vendi ka eksportuar mbi 131 mijë tonë zarzavate, nga 325 mijë tonë produkte ushqimore që u eksportuan në total. Ndërsa në vitin e kaluar u eksportuan jashtë vendit 125 mijë tonë. Në total vlera e eksporteve të zarzavateve të papërpunuar në këtë 10 mujor ishte 10.9 miliardë lekë (107.5 mln euro), nga 9.6 miliardë lekë që ishte vjet.

Nga këto të dhëna rezulton se 1 kg zarzavateve e eksportuar në vitin e kaluar kushtonte 77 lekë/kg, ndërsa këtë vit është rritur në 83.13 lekë

Teksa pesha e eksporteve është rritur, ajo e importeve është ulur. Këtë 10 mujor janë importuar 35 mijë tonë zarzavate nga 36.1 mijë që ishte pesha vjet. E përkthyer në vlerë monetare, importet nga 2.7 miliardë lekë që ishin në 2.4 miliardë lekë këtë vit. Çmimi i importit ishte 75.8 lekë për kilogramë, dhe është ulur këtë vit duke u përllogaritur në  68.2 lekë.

Çmimi i produkteve të importuara, është në rënie edhe për shkak të zhvlerësimit të euros e dollarit përkundrejt lekut, por pavarësisht këtij fakti, konsumatorët, nuk po përfitojnë sepse shtrenjtimi në tregje nuk po ndalet.

EKSPORTET E ZARZAVATEVE TË PAPËRPUNUARA
Viti 2022              125 mijë tonë
Viti 2023              131 mijë tonë
Diferenca             +6 mijë tonë
EKSPORTET E ZARZAVATEVE NË VLERË
Viti 2022              9,6 mld lekë
Viti 2023              10,9 mld lekë
Diferenca             +1.3 mld lekë
IMPORTI I ZARZAVATEVE TË PAPËRPUNUARA
Viti 2022               36.1 mijë tonë
Viti 2023                   35mijë tonë
Diferenca               -1.1 mijë tonë
IMPORTET E ZARZAVATEVE NË VLERË
Viti 2022             2.7 mld lekë
Viti 2023             2.4 mld lekë
Diferenca          -300 mln lekë

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qobani: 15/12/2023 17:22

    Ja vlen penxionerat të jen ma shum të lëvizshum,do ta përjetojm të gjithë,jeta vazhdon,në planetin e URANIT nën akullë ka peshqi tmdhej,të lëvizshmit shëndrrohen ma të mdhej,dhe hyjnë në rend për menyn e peshqëve të vjetër,o bura ata jetojn me shekuj,pyesin a ke lan pasardhës,kan përvoj na kurtalisin shpejtë,mundë tju porositin për familjarët e vetë ,tna bajn thirrje për RILINJE,ashtë ma e lehtë se me na brengos industria

    Përgjigju
  • Sondazhi i ditës:

    A duhet të lejohet mjeku të punojë njëkohësisht në spital publik e privat?

Lajme të tjera



×

Lajmi i fundit

Shpërthim me tritol në derën e banesës së policit në Shkodër

Shpërthim me tritol në derën e banesës së policit në Shkodër

3 Korrik, 07:50