POP 5

Lajmet më të lexuara të 5 minutave të fundit

Sport

Ferrari njofton fundin e bashkëpunimit me Vettel, Hamilton bëhet gati të marrë çelsat e 'kokëkuqes' (VIDEO)

Ky do të jetë viti i fundit i bashkëpunimit mes Sebastian Vettel dhe skuderisë Ferrari. Kokëkuqja italiane ka njoftuar se nuk ka marrëveshje për rinovimin dhe gjermani do të largohet në fund të 2020. Emri më potencial për ta zëvendësuar është Luis Hamilton.

2020 është viti i fundit i bashkëpunimit mes Sebastian Vettel dhe Ferrarit. Kokëkuqja italiane nëpërmjet një postimi në faqen zyrtare ka njoftuar se në fund të vitit do të mbyllet marrëveshja me pilotin katër herë kampion bote. Edhe pse në pamje të parë dukej i lehtë rinovimi kjo nuk ka ndodhur.

Vettel dhe Ferrari nënshkruan marrëveshjen në 2015 për 5 vite, por objektivi i vendosur që prej asaj kohe, shpallja kampion, kurrë nuk u arrit. Ky vit do të jetë shansi i fundit, por gjithsesi ende nuk është e sigurtë nëse kampionati i Formula 1 i shtyrë për shkak të sezonit do të nisë apo jo.

Menjëherë pas lajmit kanë nisur spekulimet se kush do të jetë pasuesi i gjermanit Vettel te Ferrari, në një kohë kur Charles Leclerc duket se po merr shumë kredite, pasi me gjasë do të jetë edhe pilot i parë. Për momentin emri potencial që flitet është ai i spanjollit Carlos Sainz, por gjithsesi nuk mendohet të jetë për lartësinë e kokëkuqes.

Në prapaskenë të gjithë e dinë se synohet Luis Hamilton, fituesi i pesë kampionateve botërore që aktualisht garon me 'Mercedes'. Britanikut ashtu si Vettel i skadon kontrata në fund të sezonit dhe më herët e ka shprehur qartësisht se një ditë do dëshironte të garonte për 'Ferrarin'.

Sebastian Vettel

Luis Hamilton

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

Zgjedhjet presidenciale në Maqedoninë e Veriut, numërohen mbi 90 përqind të votave! Kandidatja e VMRO-së kryeson bindshëm, ku renditën shqiptarët

25 Prill, 01:01