POP 5

Lajmet më të lexuara të 5 minutave të fundit

Kronikë

Festa e shqiptarëve në Londër për ditën e pavarësisë, Daily Mail: Bllokuan qarkullimin me makina që kushtojnë deri në 160 mijë paund (VIDEO)

Daily Mail i ka kushtuar një artikull festës së shqiptarëve mbrëmjen e djeshme në Londër për festimet mbi 110 vjetorin e shpalljes së pavarësisë.

Festa e shqiptarëve në Londër për ditën e pavarësisë, Daily Mail: Bllokuan qarkullimin me makina që kushtojnë deri në 160 mijë paund (VIDEO)

Festa e shqiptarëve në Londër

Daily Mail i ka kushtuar një artikull festës së shqiptarëve mbrëmjen e djeshme në Londër për festimet mbi 110 vjetorin e shpalljes së pavarësisë. Në shkrimin e medias britanike bie në sy përqendimi në makinat e shtrenjta të shqiptarëve të cilët kanë bllokuar rrugët e Londrës duke krijuar një atmosferë fantastike festimesh.

“Pamjet video të shpërndara në internet tregojnë Audit, Range Rovers dhe Porsche 4x4 që të gjithë ndalojnë trafikun rreth Westminsterit ndërsa oficerët e Policisë Metropolitane përpiqen të lëvizin automjetet.

Në klipe të ndryshme, burra dhe gra mund të shihen duke valëvitur flamurin shqiptar ndërsa varen nga xhamat e makinave të tyre - duke përfshirë një Lamborghini Huracan ngjyrë vjollce dhe një Mercedes të klasës G, të cilat kushtojnë përkatësisht rreth 120,000 dhe 160,000 £”-shkruhet në artikull.

Gjatë festimeve pati fishekzjarrë të shumta të lëshuara nga shqiptarët. Ndërsa kjo gjë ka shfqur zemërim tek shoferët vendas të cilët e cilësuan këtë organizim si ‘egoist’ duke qenë se bllokonte qarkullimin.

Një prej përdoruesve të twitter-it shkroi: Shqiptarët në Londër që festonin Ditën e Pavarësisë, bllokuan me egoizëm sheshin Strand dhe Trafalgar, ndërsa njerëzit dilnin nga teatrot në orën 22:00.

Tema e shqiptarëve në Britani të Madhe është tepër e lakuar duke kujtuar këtu debatin që ka përfshirë vendin mbi numrin e emigrantëve të paligjshëm që mbërrijnë me varka nëpërmjet kanalit të ‘La Manshit’. Ka qenë ministrja e Brendshme, britanike, Suella Braverman ajo e cila ka etiketuar shumicën e emigrantëve shqiptarë si ‘kriminelë’. Kjo ka nxitur reagimin e madh nga ana e shqiptarëve në Britani të Madhe, të cilët organizuan edhe protestë të madhe në Londër, ku kërkuan që Braverman t’u kërkonte ndjesë.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 29/11/2022 23:54

    Tregojne origjinen prej varfanjaku qe kane patur.Dikur Xhaxhi lejonte vetem autobuzet, bicikletat e ndonje motor,kurse makines i hipnin vetem tre here ne jete:diten qe lindnin,diten qe martoheshin,dhe diten qe vdisnin,nje pjese e ketyre ishin me me fat se kishin mundesi te provonin cdo dite ose cdo jave si udhetohet maje gomarit,mushkes,apo karroces te terhequr nga kuajt,apo qete,e them /me fat/,se ne qytete nuk kishe mundesi per udhetaret e shkrete qe te shijonin te mirat e udhetimeve te tilla /bio/.Dhe tani qe zbuluan se bota perdor rrotat,nuk duan te mbeten pas.Taksirati i vendasve qe u duhet te durojne keta //nouveau-riche// qe shesin mend si gjelat maje plehut.

    Përgjigju
  • romeo: 29/11/2022 15:48

    Makinat i kane blere me "djersen e ballit", keshtu bie ne sy malokeria dhe kur na pergojojne na vjen keq,derra shpellare.

    Përgjigju
  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Kosovë/ Shpërthen skuteri elektrik, përfshihet nga flakët një lokal

Kosovë/ Shpërthen skuteri elektrik, përfshihet nga flakët një lokal

2 Nëntor, 22:06