Kultura, tradita, gjuha e mbi të gjitha muzika arbëreshe bëhen kryetemë në Teatrit Metropol. Prej 10 marsit, në skenë zë fill festivali “Metrosound”, nën drejtimin artistik të pianistit, multiinstrumentisit dhe kompozitorit Robert Bisha.
Dialogu i tij me etnomuzikologun Nicola Scaldaferri, e të tjerë studiues gjatë mbrëmjes së parë, pritet të hedhë dritë mbi kërkimet rreth muzikës arbëreshe dhe elementëve më befasues të saj. E natyrisht, që nuk do të mungojë në këtë festival as polifonia.
“Pjesët polifonike tradicionale që vijnë në datën 11, janë pjesë tërësisht unike”, thotë artisti.
18 marsi është mbrëmja e “Nostalgisë Arbëreshe”. Një koncert në Piano Solo i Robert Bishës, që muzikanti e konsideron si një homazh intim ndaj kësaj kulture.
“Do jetë e gjithë mbrëmja me momente mjaft të thjeshta e intime. Janë pothuajse kërkimet e mia ndër vite mbi etnomuzikologjinë. Po kësaj here dalim nga ajo që është etnomuzikologjia në thelb pasi ajo do të përcillet gjatë netëve të tjerë. Përgjatë ‘Nostalgisë Arbëreshe’ do të jetë pianoja instrumenti kryesor dhe i vetëm, por organikisht mund të ketë ndërhyrje”
Koncerti ul siparin në 19 mars dhe do të përfshijë edhe të tjerë artistë nga Shqipëria, Kosova, Italia dhe Franca.
Lajme të tjera
-
Në 'Metropol' për 'Me këndu Zërin'! Robert Bisha bën bashkë artistë shqiptarë e italian për tri net: Tradita muzikore e dy vendeve dhe eksperimentimet me vokalin
6 Tetor 2023, 15:28
-
Koncert i muzikës klasike në kishën e Mërqisë në Lezhë! Pianisti: Një hapësirë e shenjtë në çdo kuptim
16 Tetor 2022, 21:37 -
Kori Arbëresh ‘Lule Sheshi’ me muzikën e të parëve, jehon polifonia 6-shekullore
13 Mars 2022, 19:21
-
Muzikë për Shqipërinë në pandemi, poliinstrumentisti Robert Bisha nesër në Shkodër
31 Korrik 2020, 17:36
