Një 23 vjeçar i shpallur në kërkim është arrestuar nga policia në Fier për veprën penale vjedhje.

Saimir Ferko banues po në Fier ra në prangat e policisë pas vendimit të Gjykatës së Rrethit Gjyqësor Fier për ta dënuar me 1 vit burg.

Njoftimi i policisë:

Policia ndalon një shtetas për veprën penale "Vjedhje", i dënuar me 1 vit burg.
 
Specialistët për Hetimin e Krimeve në Komisariatin e Policisë Fier, ndaluan shtetasin e shpallur në kërkim:
 
-Saimir Ferko, 23 vjeç, banues në fshatin Ade, Fier.
 
Ndalimi i këtij shtetasi u bë pasi Gjykata e Rrethit Gjyqësor Fier me vendimin e datës 03.04.2017, e ka dënuar atë me 1 një vit burg për veprën penale "Vjedhje" parashikuar nga Neni 134/2 i Kodit Penal.

Redaksia Online
E.S/ shqiptarja.com