Fier, tregtarët bllokojnë trotuaret
qytetarët kërkojnë zgjidhje

FIER- Ndonëse gjobiten ose largohen me dhunë nga policia bashkiake tregtarët ambulantë të fruta perimeve vijojnë të mbajnë të pushtuara trotuaret në lagjen “Kastriot” të qytetit të Fierit.
 
Banorët të shqetësuar bëjnë apel për zgjidhjen e kësaj situate, ndërsa vetë tregtarët shprehen se kjo është vetmja mënyrë për të siguruar jetesën.

Ndërkohë tregtarët nga ana e tyre shprehen se nuk gjejnë vend në tregje ndaj detyrohen të shesin në trotuare. Ata disa herë janë larguar nga policia bashkiake ose janë gjobitur, por sërish nuk heqin dorë nga zaptimi i trotuareve.

Kjo nuk është hera e parë që banorët e qytetit të Fierit ngrejnë shqetësimin e tyre, për zgjidhjen e kësaj situate problematike.

Redaksia Online
(e.s/shqiptarja.com)