Fillon zbatimi i ligjit, kurorëzohet martesa e parë e personave të të njëjtës gjini në Mal të Zi

Fillon zbatimi i ligjit, kurorëzohet martesa e parë e personave të të njëjtës gjini në Mal të Zi

Ministrja Tamara Srzentiq

Ministrja e Administratës Publike dhe Medias, Tamara Srzentiq njoftoi të dielën se martesa e parë e personave të së njëjtës gjini është kurorëzuar në Malin e Zi.

Srzentić u shpreh e lumtur që zyrtarisht kishte filluar zbatimi i Ligjit për Partneritet të Jetës dhe i uroj partnerëve në jetën e tyre lumturi dhe shumë dashuri.

“Para tetë vitesh, martesa e parë e të njëjtit seks, midis Kris Perry dhe Sandy Stier u kurorëzua në Kaliforni. Në atë kohë, unë kam punuar në administratën e shtetit të Kalifornisë dhe Chris ishte shoqja dhe bashkëpunëtorja ime prej shumë kohësh. Unë e di se sa e rëndësishme ishte ajo ditë për to dhe një hap i madh për Kaliforninë. Sot është një ditë e rëndësishme për komunitetin LGBTIQ dhe unë jam krenare që partneriteti i parë jetësor i njerëzve të së njëjtës gjini është realizuar në vendin tonë”, shkroi zonja Srzentiq në Twitter.

Ministrja Srzentiq shprehu besimin se çdo njeri ka të drejtë të ndërtojë jetën e tij në përputhje me ndjenjat e tij të brendshme dhe administrata publike duhet të krijojë politika të qarta dhe të sigurojë zbatimin e tyre në mënyrë të tillë që të mundësojë që çdo njeri të ndihet i respektuar në mënyrë të barabartë.

Edhe pse Ligji për Partneritetin Jetësor të Personave të Gjinisë së Njëjtë u miratua një vit më parë, ministrja Srzentic theksoi se duhet bërë shumë më tepër në mënyrë që të plotësohen të gjitha parakushtet për zbatimin e tij të plotë.

Komuniteti LGBTIQ gjithmonë do të ketë një partner dhe aleat tek unë për të gjitha aktivitetet që kontribuojnë në përmirësimin e cilësisë së jetës të anëtarëve të këtij komuniteti, si dhe promovimin dhe mbrojtjen e të drejtave dhe lirive të tyre”, tha ministrja e Administratës Publike dhe Medias Tamara Srzentiq./VOA

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet