Finalja e Conference League, Rama: Kemi bërë një nga stadiumet më të bukur të Europës, ishte kalbësirë urbane! Njësoj do të bëhet edhe Teatri i ri Kombëtar

Kryeministri Edi Rama e ka nisur ditën e sotme me pamje nga stadiumi ‘Air Albania’ ku do të luhet finalja europiane Roma-Feyenoord. Rama tregon se e ka mbajtur premtimin duke bërë një nga stadiumet më të bukur të Europës ndërsa më parë ishte thjesht ‘kalbësirë urbane’ në zemër të kryeqytetit.

Rama thekson se njësoj si stadiumi i finales së sotme, që do të jetë një moment historik për historinë e futbollit shqiptar, do të bëhet edhe Teatri i Ri Kombëtar. Ndërsa asnjë koment nuk pati për përplasjen e tifozëve me policinë gjatë mbrëmjes së shkuar, ku mbetën të plagosur 10 efektivë dhe 4 tifozë.

“Mirmëngjes dhe me shpresën se ka akoma nga ju që e kujtojnë kur ju thosha se do të bëjmë një nga stadiumet më të bukur të Europës, aty ku deri para pak vitesh kishte mbetur një kalbësirë urbane në zemër të kryeqytetit, duke ju siguruar se siç u bë stadiumi i finales së sotme europiane një krenari kombëtare në Europë, do të bëhet së shpejti edhe Teatri i Ri Kombëtar, ju uroj të gjithëve ta kaloni bukur këtë ditë të shënuar sportive për të tërë Europën këtu në Tiranë”, shkruan Rama.

Roma-Feyenoord do të përballen në stadiumin ‘Air Albania’ në Tiranë duke e kthyer këtë ndeshje në një moment historik për historinë e futbollit shqiptar, pasi për herë të parë në vendin tonë luhet një finale europiane. Sot priten të vijnë mbi 70 mijë tifozë të tjerë, ndërsa mbrëmja e kaluar ishte e vështirë pasi pati incidente dhe tensione në të gjithë kryeqytetin.


Lajmi kryesor:

Conference League/ Tirana shkëlqen, ditë feste dhe zero incidente serioze gjithë ditën! Valle dhe muzikë në rrugët e kryeqytetit! Mijëra tifozë shijuan finalen e parë evropiane në Shqipëri (VIDEO)


A.M./Sh.Sh/Shqiptarja.com
  • Sondazhi i ditës:

    A duhet të ketë një Paketë të dytë të Rezistencës Sociale?



×

Lajmi i fundit

John

Pasojat ekonomike të paqes në Ukrainë