Financat/ Buxheti: Investimet bien 11% në dymujor, në rënie TVSH-ja dhe akciza

Financat/ Buxheti: Investimet bien 11% në dymujor, në rënie TVSH-ja dhe akciza

Ndonëse krahasuar me janar-shkurtin 2018 të ardhurat në buxhet rezultojnë 1.7% më të larta, realizimi i zërave kryesorë buxhetorë paraqitet me luhatje të ndjeshme dymujorin e parë të këtij viti. TVSH-ja dhe akcizat paraqiten me shifra më të ulta nga një vit më parë, përkatësisht 1.6% dge 1.8%. Në të kundërt, tatimi mbi të ardhurat personale ka sjellë 9.9% më shumë të ardhura nga vjet.

Edhe tatimi mbi fitimin solli 14.3% më shumë të ardhura. Pushteti vendor ka grumbulluar mëse 40 për qind të ardhura, por taksa mbi pasurinë solli 12.7% më pak lekë në arkën e bashkive. Biznesi i vogël ka paguar 75% më pak detyrime nga vjet pranë pushtetit vendor, kurse taksat lokale kanë tejkaluar 56.6% shifrën e dymujorit të vjetshëm.

Sa u takon shpenzimeve, janë paguar 52 për qind më shumë fonde për papunësinë, 23.2 për qind më shumë për ndihmë ekonomike, por investimet publike kanë shënuar një shifër 11.1% më të ulta nga një vit më parë.

Bën përshtypje rritja e vazhdueshme e interesave të borxhit publik, që në janar-shkurt 2019 ishin 13.1% më të larta se një vit më parë. Kompensimi për ish-të përndjekurit ka qenë 4.7 herë më i madh, ndërkohë që për pronarët janë paguar 790 milionë lekë, nga zero një vit më parë.       

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Dokumenti/ Si Lulzim Basha u dënua nga gjykata për shpifje për rastin e Olsi Ramës

Dokumenti/ Si Lulzim Basha u dënua nga gjykata për shpifje për rastin e Olsi Ramës