'Firo' te Kukësi, kapiteni largohet pas katër sezonesh: Ishte nder për mua

 'Firo' te Kukësi, kapiteni largohet pas katër sezonesh: Ishte nder për mua

Angelo Tafas

Është 23 vjeç, por Angelo Tafas duket sikur ka një jetë mes shtyllave. Portieri shtatëlartë i ka dhënë lamtumirën Kukësit pas katër vitesh në klub dhe mbajtjes së shiritit të kapitenit.

Me verilindorët që sezonin e ri do jenë pjesë e Kategorisë së Parë, tanimë kanë nisur edhe "firot" e para. Kapiteni dhe një ndër lojtarët më të rëndësishëm të ekipit, Tafas nuk do jetë më pjesë e klubit duke i falenderuar të gjithë për katër vitet e kaluara në ekip.

"Dua t’ju informoj të gjithëve se nuk jam më pjesë e F.K Kukësit. Kisha nderin dhe kënaqësinë këto 4 vite të isha lojtar dhe kapiten i kësaj skuadre. Dua të falënderoj F.K Kukësi dhe familjen Gjici për besimin e dhënë dhe të gjithë tifozët për përkrahjen gjatë kësaj kohe. Falënderime për trajnerët, bashkëlojtarët dhe bashkëpunëtorët e tjerë në klub", thotë mes të tjerash 23-vjeçari.

I lindur në Athinë, Tafas u bashkua në 2020 me Kukësin nga grekët e Ionikos Nikeas, për t'u bërë pikë fikse e formacionit. Tanimë ai do jetë në fokusin e shumë klubeve, për vetë sigurinë dhe cilësitë e treguara në portë. 40 ndeshje luajti Tafas sezonin që lamë pas për verilindorët, duke theksuar se ka qenë pesë herë mes shtyllave edhe për Kombëtaren U-21.

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Barazimi me Kroacinë, mendoni se Kombëtarja kalon grupet e Euro 2024



×

Lajmi i fundit

Vlorë/ Merr flakë një Jet Ski që ndodhej në servis (VIDEO)

Vlorë/ Merr flakë një Jet Ski që ndodhej në servis (VIDEO)