POP 5

Lajmet më të lexuara të 5 minutave të fundit

Sport

Fitoi dy medalje në Botëror, 15-vjeçarja Enkileda Carja: S'ishte surprizë, e prisja! Trajneria: E ardhmja do na sjellë të tjera medalje

15-vjeçarja Enkileda Carja pak ditë më parë fitoi dy medalje në Botërorin e peshëngritjes, ndërsa për Report TV tregon se i priste këto rezultate mbreslënëse falë stërvitjes së përkushtuar për 6 vite me rradhë.

Enkileda Carja është në klasë të nëntë, por pak ditë më parë në Botërorin e 17-vjeçarëve bëri krenare veten dhe Shqipërinë, duke fituar dy medalje të bronzta, në stilin e shkëputjes dhe në dygarësh. Peshëngritësja e talentuar është nga Elbasani, një qytet i cili shpeshherë ka nxjerrë kampionë të mëdhenj në këtë sport.

“Ne jemi stërvitur shumë fort për këto rezultate që ishin mjaft të pritshme. Mendonim se do ia arrinim që në fillim,”-u shpreh Enkileda Carja, peshëngritëse.

Kampionia e botës në shkëputje nisi të stërvitej që në moshën 9-vjeçare, ndërsa premton se në të ardhmen do të ketë të tjera medalje për Shqipërinë.

“Unë kam afërsisht 6 vite që stërvitem dhe pres që të marr pjesë në kampionate ndërkombëtare dhe të jap rezultate sa më të mira. Unë kam qen e mbështetur si nga federata ashtu edhe nga bashkia Elbasan dhe për rrjedhojë jam shumë e kënaqur që kam përfaqësuar Shqipërinë,”-tha Enkileda Carja, peshëngritëse.

Trajneria e Enkiledës, Eglantina, është shumë e lumtur për rezultatet e sportistet, por mbi të gjitha qëndron entuziaste për të ardhmen.

“Nga Enkileda ne presim shumë. Vjet kemi marrë 3 medalje në Europë, ndërsa këtë vit 2 në botë. Shpresoj dhe uroj që tani e tutje ti marrim të arta sepse i kemi patur të bronzta,”-deklaroi Eglantina Kalemi, trajnere e peshëngritjes.

15-vjeçarja brenda 2023 do të garojë në kampionatin europian të 15-vjeçarëve, por edhe në atë të 20-vjeçarëve.

Ne.k./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53