Lara Colturi, skiatorja italo-shqiptare ia doli që për herë të parë të ngjitej në podium si vendi i dytë në Kupën e Botës për Ski, në garën e Obergurgl në Austri.
Skiatorja që përfaqëson Shqipërinë u rendit e dyta në garën e Sllalomit vetëm 55 të qindtat pas kampiones amerikane Mikaela Shiffrin, e cila mban numrin rekord të 99 garave të fituara në Kupën e Botës.
Tifozët votuan 18-vjeçaren Colturi si më të preferuarën, duke i dhënë 69 % të pëlqimeve për atë që tregoi të shtunën e kaluar në pistë. Lara, në një intervistë për Federatën Ndërkombëtare të Skive ka rrëfyer emocionet e garës dhe faktin se nuk e priste këtë rezultat, ndaj ishte gati të qante.
“Jam vërtet shumë e lumtur. Ndihesha shumë mirë në stërvitje ditët e fundit, kam qenë duke u stërvitur me Henrik Kristoffersen (kampion i dyfishtë i botës) dhe disa djem të tjerë”, tha Colturi.
Lara tregon se ishte gati për të derdhur lot.
“Madje më erdhi të qaja pas garës, është thjesht e mrekullueshme. Më duhet të them se ishte një ditë shumë emocionuese. Qëllimi im ishte thjesht të përpiqesha të shprehesha sa më mirë, të ndihesha po aq mirë sa ndihesha në stërvitje”, u shpreh me tej Colturi.
“Pashë mamin dhe babin të emocionuar, aty ishin të pranishëm edhe gjyshërit e mi, ishte Yuri (vëllai i vogël) që ishte ndoshta më i emocionuari nga të gjithë. Ndihesha mirë dhe doja ta përcillja këtë në garë dhe ia arritëm”, tha ajo.
Më pas 18-vjeçarja që ka nderuar Shqipërinë në ski, tha se nuk e mendonte podiumin, por është e fokusuar që ta bëjë mirë punën e saj.
“Dua të falënderoj njerëzit që janë pranë meje, të gjithë ata që punuan përkrah meje duke besuar tek unë. Nuk e mendoja se mund të ngjitesha në podium ose të paktën në atë pozicion. Isha e fokusuar vetëm në idenë për të skijuar mirë dhe për t’u argëtuar sa më shumë që të ishte e mundur”, përfundoi Lara Colturi.
Lara ngriti flamurin kuqezi në podium dhe në klasifikimin e përgjithshëm të Botërorit merr vendin e shtatë me 95 pikë pas tre garave të para në këtë sezon. Botërori i Skive vijon me garën e radhës këtë fundjavë në Killington të Shteteve të Bashkuara të Amerikës.
Lara Colturi (numri 27)
Lajme të tjera
-
Rezultati historik në ski, presidenti i FSHS Elvis Toçi për Report TV: Emocion që s'blihet me para, Colturi do jetë kampione bote
26 Nëntor, 12:34
-
Kandidat për kreun e FSHA, Luiza Gega sulmon Izmir Smajlajn: Ishin në dijeni të manipulimeve, skandalet s'duhet lejuar të kalojnë në heshtje
26 Nëntor, 08:42 -
BOKS/ Alban Beqiri dhe Besian Karaj kampion të Ballkanit për peshat 67 dhe 71 kg, fitojnë mes Serbisë
23 Nëntor, 15:57 -
BOKS/ Londra ‘vishet’ kuqezi, Alban Bermeta dhe Nelson Hysa fitojnë me ‘K.O.’
23 Nëntor, 15:25 -
Lara Colturi shkruan historinë e skive shqiptare, për herë të parë në podiumin e një gare Botërori: Jam shumë e lumtur!
23 Nëntor, 15:02
-
Ylli i ri i peshëngritjes shqiptare, Kristi Muça fiton medalje në Bullgari
20 Nëntor, 19:25 -
Kupa e Botës për Ski/ Lara Colturi e pafat, nuk mbyll dot lëshimin e dytë në pistën e Levit (VIDEO)
16 Nëntor, 16:17 -
Mblidhet Asambleja Zgjedhore e Federatës Shqiptare të Peshëngritjes, rizgjidhet president Elez Gjoza
10 Nëntor, 17:54 -
VIDEO/ Ertjan Kofsha 'lahet në ar', peshëngritësi shqiptar merr tre medalje! Shpallet nënkampion Evrope në Poloni
1 Nëntor, 13:29 -
Zi në botën e skive, aksidenti në stërvitje i merr jetën italianes 19-vjeçare! Pas pak ditësh festonte ditëlindjen
29 Tetor, 10:10 -
Botërori i Skive/ Lara Colturi, kualifikohet në finalen e Kupës së Botës, Veliaj: Vëmendja ndaj sportit po jep fryte
27 Tetor, 09:47 -
VIDEO/ Fillon Botërori i Skive, Lara Colturi renditet e 16-ta në botë
26 Tetor, 15:21
