POP 5

Lajmet më të lexuara të 5 minutave të fundit

Sport

Flamurtari në rënie të lirë, Moçka
dëmtohet rëndë, Kukësi barazon

Flamurtari ka prekur fundin e renditjes këtë edicion në Superligë përmes një paraqitje mjaft të dobët që lë shumë për të dëshiruar.
Flamurtari ka prekur fundin e renditjes këtë edicion në Superligë përmes një paraqitje mjaft të dobët që lë shumë për të dëshiruar. Humbja e radhës e vlonjateve ka ardhur përballë ekipit të Besës, brenda në Kavajë me rezultatin e pastër 2-0. Por përvec humbjes së tre pikëve, Flamurtari mori edhe një goditje të madhe, pasi portieri Shpëtim Mocka pësoi një dëmtim të rëndë duke u larguar nga fusha në gjendje të rëndë.  Në minutën e 15 gjatë një aksioni të vendasve, Mocka humbi për disa minuta ndjenjat pas përplasjes me sulmuesin Fatjon Sefa. Për disa momente stadiumin Besa e pushtoi heshtja e thellë dhe një ndjenjë paniku, por Mocka u përmend dhe më pas u dërgua menjëherë për në spital për një mjekim më të specializuar. Pas shtatë minutave ndërprerje të lojës në vend të Mockës në fushë u hodh Xhelilaj.

Largimi i Mockës solli edhe ndikim në fushën e lojës, pasi pikërisht në aksionin e radhës erdhi goli i avantazhit të Besës nga Sefa. Flamurtari mundohet të reagojë  pas golit me Pepën, por ‘gardiani’ vendas nuk lejon prekjen e rrjetës. Vlora ngulmon akoma më shumë në pjesën e dytë, por edhe fati nuk është me kuqezinjtë e Gjokës që humbasin disa raste dhe bashkë me ta edhe qetësinë në fushë.

Në të 63’ në një kundërsulm të shpejtë Besa me Bernard Berisha që pason për Gurin, e cili e devijon topin për në rrjetë duke vulosur fitoren e parë në kampionat. Një tjetër ndeshje dramatike është zhvilluar edhe në Ballsh, por këtë herë në aspektin sportiv, pasi gjatë 90’ nuk ndodhi asgjë me rëndësi, ndërsa në dy minutat shtesë u realizuan dy gola.

Naxhi Shensoji debutoi me Kukësin me një barazim të hidhur pas barazimit 1-1 me Bylisin. Popovic kaloi në avantazh verilindorët në minutën e parë shtesë, por pa kaluar 60 sekonda Izuciku vuri baraspeshën. Ndërsa sfida e Krujës mes Kastriotit dhe Lushnjes përfundoi 2-0 për vendasit me gola të Ferrajt dhe Malindit.

Nesër do të zhvillohen edhe dy ndeshjet e mbetura të kësaj jave mes ekipeve të Teutës dhe Vllaznisë dhe ndeshja tjetër është mes Skënderbeut dhe Lacit. Ndërsa derbi i shumë pritur mes Partizanit dhe Tiranës është vendosur nga FSHF që të zhvillohet më datë 12 tetor në orën 20:00 të mbrëmjes në stadiumin kombëtar ‘Qemal Stafa’.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:44