POP 5

Lajmet më të lexuara të 5 minutave të fundit

Kronikë

Flet gjyshja e 14-vjeçares që u ngacmua seksualisht nga drejtori në Pogradec: I shkruante llafe turpi në telefon, duhet varur! Kemi frikë t'a çojmë në shkollë

Gjyshja e 14-vjeçares, njërës prej viktimave të ngacmimit seksual nga drejtori i shkollës në fshatin Stropckë, në Pogradec ka folur për Report Tv, ku ka treguar detaje lidhur me ngjarjen.

Gjyshja e 14-vjeçares, njërës prej viktimave të ngacmimit seksual nga drejtori i shkollës në fshatin Stropckë, në Pogradec ka folur për Report Tv, ku ka treguar detaje lidhur me ngjarjen.

Ajo tha se ishte pikërisht drejtori që prej dy javësh i shkruante të miturës mesazhe në telefon me "llafe turpi" siç specifikoi gjyshja.

E moshuara, e cila është edhe kujdestarja e vajzës për shkak se prindërit e saj jetojnë në Greqi, tha gjithashtu se ka shumë frikë të çojë 14-vjeçaren në shkollë, pasi një ngjarje e ngjashme mund të përsëritet.

"I ka shkruar çupës në telefon. Ajo i tha kujdestares kishte folur me atë, pastaj e morën vesh ne, çupën e kishte ulur poshtë. Nuk e di çfarë i shkruante por llafe turpi, kishte dy javë që i fliste. Vajza na tregoi pastaj, prindërit i ka në Greqi ne kujdesemi për të. Në komisariat shkuan bashkë me çupën tjetër dhe babain e saj. Shteti e di, ata njerëz që bëjnë këto gjera, t'i varin, këtë dua unë. Nuk dalim dot përjashta prej çupës. Çupa ka 2 vjet këtu, se ishte në Tiranë. Ne kemi frikë ta çojmë në shkollë.", tha ajo.  

Drejtori i shkollës 9-vjeçare, Adriatik Haxhillari i cili për gati 1 muaj ngacmonte seksualisht 2 vajza të mitura është vënë në pranga.

Denoncimet për ngacmime seksuale ndaj të miturve kanë qenë të shpeshtë ditët e fundit, ku vetëm 2 ditë më parë një rast i tillë u denoncua në Gjirokastër. Prindërit e një 16-vjeçarje denoncuan të afërmin e tyre, 53-vjeçarin me inicialet K.H., me akuzën se ka abuzuar seksualisht për 4 vite me të miturën. Gjykata vendosi sot për 53-vjeçarin masën e sigurisë 45 ditë burg, ndërsa vetë ai i mohoi akuzat e ngritura. Ai ka deklaruar se të miturën e ka trajtuar si vajzën e tij, duke e akuzuar se ajo ka kryer marrëdhënie seksuale me një 32-vjeçar.

 

J.GJ./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51