Flota Detare e Ukrainës: Korridori i përkohshëm humanitar u krijua për të ndihmuar anijet e bllokuara në portin e Detit të Zi

Një korridor i përkohshëm humanitar është krijuar për të ndihmuar anijet tregtare të bllokuara në portet e Detit të Zi të Ukrainës.

Anijet priten të fillojnë ta përdorin brenda disa ditësh, deklaroi flota detare e Ukrainës.

Rruga do të përdoret gjithashtu edhe për lëvizjen e grurit dhe produktet bujqësore, tha zëdhënësi Oleh Chalyk. 

“Korridori do të jetë shumë transparent, ne do të vendosim kamera në anije dhe do të ketë një transmetim për të treguar se ky është thjeshtë një mision humanitar dhe nuk ka qëllim ushtarak”, tha ai. 

Megjithatë, kërcënimi ushtarak nga Rusia dhe minat e vendosura ende përbëjnë një rrezik, thuhet në një deklaratë të veçantë të flotës detare. 

Anijet kanë mbetur të bllokuara në portet e Detit të Zi që kur Rusia u tërhoq nga një marrëveshje kyçe e drithit muajin e kaluar, e cila kishte lejuar që produktet të eksportoheshin në mënyrë të sigurt. 

Lajmi kryesor:

Lufta/ Polonia dërgon 10,000 ushtarë në kufirin me Bjellorusinë! Kievi rekomandon evakuimin e 37 vendbanimeve në Kupiansk

S.S/Shqiptarja.com

TAG:
• ukraine