POP 5

Lajmet më të lexuara të 5 minutave të fundit

Ekonomi

Fluks kërkesash për shtëpi me qira në Tiranë, banorët e trembur nga tërmeti duan vetëm katet e para (VIDEO)

Tërmeti i 26 nëntorit ka rritur ndjeshëm kërkesën për shtëpi private me qira në Tiranë. Agjenti Imobilar Ervin Demirxhiu thotë për Report TV se kërkesat për shtëpi janë rritur ndjeshëm pasi ato shikohen si më të sigurta. Sipas tij qytetarët nga zonat e prekura tashmë nuk preferojnë apartamente në kate të larta për shkak të frikës së krijuar. Agjenti thekson se nuk ka rritje çmimesh.

TIRANË - Rreth dy javë pas tërmetit të fuqishëm që goditi Shqipërinë dhe që shkatërroi me dhjetëra banesa e me mijëra u dëmtuan, janë rritur ndjeshëm kërkesat për apartamente dhe shtëpi me qira në Tiranë.  Ndryshe nga më parë qytetarët kryesisht nga Durrësi dhe Thumana, kërkojnë shtëpi private ose apartamente në katet e para.

“Kemi goxha kërkesa duke u nisur edhe nga rënia e tërmetit, kemi edhe rritje. Shumica e kërkesave vijnë nga zonat e prekura që nuk janë banor të Tiranës, vijnë të largohen nga atje. Kërkesat vijnë kryesisht për shpi private, por jo për vila luksoze si dhe kërkojnë katet e ulëta”, - thekson Ervin Demirxhiu.

Agjenti imobilar Ervin Demirxhiu thotë se pas tërmetit 6.4 të shkallës rihter shumë kontrata janë prishur pasi klientët tashmë nuk duan katet e larta, kjo për shkak edhe të panikut të krijuar.

“Preferohen shumë katet e ulëta. Kemi kontrata të mbyllura me katet e larta, dhe pas tërmetit janë prishur kontratat për shkak të lartësisë. Kanë preferuar ta prishin kontratën pasi apartamentet ishin lartë”, - deklaroi agjenti Imobilar.

Demirxhiu, shprehet se nuk ka luhatje të ndjeshme në çmime, por kërkesat që vijnë nga qytetarët janë shumë më të ulëta nga ato çmime që ofron realisht tregu. Kjo sipas tij edhe për shkak se të dyja palët ishin të papërgatitura për këtë situatë.

“Kemi një ngërç midis kërkesës dhe ofertës, sepse ato ishin të papërgatitur dhe vijnë me një çmim të ulët për atë që mund të përballojnë, dhe pastaj kemi ofertat që realisht janë goxha lartë. Çmimet për shpi private deri në 300-400 euro, pastaj për vilat më modern janë tjetër nivel”, tha ai.

Po ashtu nga ana tjetër qytetarët janë tepër dyshues sa i takon shtëpisë apo apartamentit që do të marrin me qira, për këtë arsye sipas agjentit imobilar shpesh ata kërkojnë të kryhet edhe një herë kontrolli nga inxhinieri i ndërtimit.

“Qytetarët inspektojnë edhe vetë zonën apo pallatin. Pavarësisht se ne ja tregojmë të gjitha, mosbesimi është goxha i madh këto kohë dhe investigojnë edhe vetë çështjen e pallatit ka pas lëvizje apo jo”, - u shpreh Demirxhiu.

Ndërkohë çmimet e apartamenteve në këtë periudhë vazhdojnë nga 100- 140 euro në muaj për apartamente 1+1 në zonat e Freskut, Shkozës, Allias, Kombinat apo edhe Paskuqan. Ndërsa në zonat afër qendrës çmimet e qirave arrijnë deri në 550euro në muaj për një apartament 3+1.

G.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • KIRI: 13/12/2019 01:02

    KUJTOJNE se termeti nuk I kap ne tirane ,,se eshte kryeqytet,,,.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34