Fluks lëvizjesh në Kakavijë, në 24 orë kaluan mbi 10 mijë shtetas

Fundjava ka nisur me fluks lëvizjesh në pikën kufitare të Kakavijës, ku vijojnë të regjistrohen shifra rekord pasagjerësh.

Sipas të dhënave të Drejtorisë së Doganave, vetëm në 24 orët e fundit në pikën kufitare në Kakavijë kanë kaluar mbi 10 mijë shtetas, nga të cilët afro 4 mijë kanë hyrë në territorin shqiptar dhe 6 mijë kanë dalë drejt Greqisë.

Për të evidentuar radhët e gjata pika doganore nga të dyja anët po punon me kapacitet të plotë.

Vendi po përjeton bum turistik, i cili shtohet edhe më shumë gjatë fundjavës për shkak të lëvizjeve drejt shteteve fqinje, si Kosova, Maqedonia, Mali i Zi apo Greqia.