MORINE- Përfundimi i muajit të Ramazanit ka sjellë radhë të gjata në pikën kufitare të Morinës. Shtetasit kosovarë i janë drejtuar Shqipërisë për të nisur pushimet e tyre verore.
 
Për të përballuar fluksin, dogana ka vënë në dispozicion nëntë sportele, por pavarësisht kësaj radhët nuk kanë munguar.
 
Vetëm në 24 orë në pikën kufitare të Morinit kanë hyrë rreth 10 mijë shtetas të cilët destinacion kryesor kanë bregdetin shqiptar.

Redaksia Online
(e.s/shqiptarja.com)