POP 5

Lajmet më të lexuara të 5 minutave të fundit

Flutura Açka tregon takimin e Fatos Nanos me zyrtarin holandez: E la të priste në holl, pastaj nuk lëvizi nga vendi! Uli korrupsionin në poltron

Në 70-vjetorin e lindjes së ish-kryeministrit Fatos Nano, deputetja e PD-së Flutura Açka nuk ka kursyer kritikat për mënyrën e qeverisjes së socialistit vite më parë kur ishte në pushtet

Flutura Açka tregon takimin e Fatos Nanos me zyrtarin holandez: E la të priste në holl, pastaj nuk lëvizi nga vendi! Uli korrupsionin në poltron

Fatos Nano dhe Flutura Açka

Në 70-vjetorin e lindjes së ish-kryeministrit Fatos Nano, deputetja e PD-së Flutura Açka nuk ka kursyer kritikat për mënyrën e qeverisjes së socialistit vite më parë kur ishte në pushtet.

Açka ka ndarë një histori ku flet për takimin e Fatos Nanos me një zyrtar holandez në mes viteve 2003-2005.

Sipas deputetes demokrate, Nano e la të priste në paradhomën e zyrës për të përfunduar bisedat me një tufë burrash që qeshnin aq sa dëgjoheshin deri jashtë, dhe më pas nuk lëvizi nga vendi për ta pritur.

Në fund të shkrimit të saj Açka thekson se po të mos ishte ky shtet gangosh që ka uzurpuar politiken sot do të ishim në Europë, ndërsa shton se Fatos Nano e uli korrupsionin në poltron.

‘Aty mes viteve 2003-2005, mes europianëve të tjerë që vinin në Shqipëri, ishte edhe zoti Atzo Nicolaï, një politikan holandez që atë kohë ishte Sekretar Shteti për Çështjet Europiane i Mbretërisë së Holandës.

Në një intervistë dhënë një radioje kombëtare holandeze, pasi përmbylli detyrën e tij politike, ai tregon për një prej vizitave më të shëmtuara të jetës së tij politike, atë të takimit me Fatos Nanon e Shqipërisë.

Funksionari i lartë holandez u la të priste në paradhomën e kryeministrit tonë një kohë shumë të gjatë. 

Nga aty ku ishte ulur, dëgjonte të qeshura që vinin nga zyra e Fatos Nanos. Një hop të gjatë më vonë dera u hap dhe doli një tufë burrash çakërqejf nga gazmimi që kishin marrë nga takimi me liderin shqiptar.

Më pas një nëpunës e shoqëroi sekretarin Holandez të Shtetit brenda në zyrën e kryeministrit shqiptar, i cili, i lodhur mbase nga gjithë çakërrqejfja e asaj dite vizitash, nuk lëvizi fare nga vendi, por ia zgjati dorën mikut të huaj ashtu ulur siç qe.

Çfarë ndodhi më pas, nuk ka fare rëndësi. Fundja ky ishte, dhe është ende, shteti i gangove që kanë kaluar këtej pari trojeve tona.

Po të mos ishte ky geng gangosh që kanë uzurpuar politikën shqiptare, sot do të ishim në Europë, jo duke aplikuar për azil rrugëve të botës, jo duke punuar në të zezë mejhaneve të Europës e as duke rrezikuar jetën dallgëve të La Manshit.

Në kohën e Fatos Nanos, korrupsioni ishte shtrirë, ai e uli në poltron, këta sot e ngritën në këmbë dhe i dhanë dekoratën “Nderi i Kombit”.’- shkruan Flutura Açka.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 17/09/2022 03:19

    Sjellje tipike prej bajraktari e beu turkoshak,por nuk eshte as i pari,as i fundit.

    Përgjigju
  • Anonim: 16/09/2022 23:22

    Te hap barkun kur flet ,a ke shpetu per vete nga kthetrat e nanos apo dhe ti si arta dade .

    Përgjigju
  • Turi: 16/09/2022 20:17

    Shumë mirë ja ka bër dhe uroj të ketë burra të tjerë të bëjnë të njëjtën gjë

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça