POP 5

Lajmet më të lexuara të 5 minutave të fundit

Ekonomi

FMN, ministri italian i Financave
“skanon” ekonominë shqiptare

Ministri italian i Ekonomisë dhe Financave, Fabrizio Saccomani, i ngarkuar nga Fondi Monetar Ndërkombëtar ka analizuar situatën ekonomike e financiare të Shqipërisë.
FMN, ministri italian i Financave<br />“skanon” ekonominë shqiptare
Ministri italian i Ekonomisë dhe Financave, Fabrizio Saccomani, i ngarkuar nga Fondi Monetar Ndërkombëtar për analizën e situatës ekonomike e financiare të Shqipërisë, Greqisë, Italisë, Maltës, Portugalisë dhe San Marinos, ka bërë një deklaratë para Komisionit Financiar dhe Monetar të FMN-së, gjatë sesionit të 28-të vjetor të këtij institucioni.

Sa i përket vendit tonë, ministri ka deklaruar se, pas një rritjeje prej 1.6 përqindësh në vitin 2012, Prodhimi i Brendshëm Bruto real pritet të rritet afro 2 për qind këtë vit dhe të përmirësohet lehtësisht më 2014. Kërkesa private mbetet e ulët, por rritja e eksportit mbeti e fortë, si pasojë e përmirësimeve strukturore në ekonomi dhe një norme më të favorshme të këmbimit valutor.   

Megjithatë, rritja ekonomike mbetet poshtë mundësive, sipas Saccomanit. Kështu, nevojiten reforma strukturore në afatin e mesëm, për të rritur produktivitetin dhe konkurrueshmërinë.  

Papunësia ka mbetur në të njëjtin nivel: 12.8 për qind, ndërkohë që inflacioni për tetë muajt e vitit ishte 2.1 për qind dhe nuk duken shenja të rritet në afatmesmë. Deficiti i llogarisë korrente është ulur gjatë tre viteve të fundit, por mbetet relativisht i lartë, rreth 10.3 për qind e PBB-së në tremujorin e dytë të 2013-ës.

Në sajë të hyrjes së investimeve të huaja direkte, bilanci i pagesave në total ishte me suficit këtë vit. Megjithatë, pozicioni i jashtëm i Shqipërisë mbetet delikat, thekson kreu italian i Ekonomisë dhe Financave.

Borxhi publik i Shqipërisë u rrit, sipas raportimit të tij, në rreth 64 për qind të PBB-së, si pasojë e stimujve fiskalë me rastin e zgjedhjeve dhe rënies së të ardhurave dhe grumbullimit të detyrimeve të prapambetura.

Rritja e vështirësive në sektorin real të ekonomisë është pasqyruar në kredi më të mëdha të këqia të sektorit bankar, që mbetet, megjithatë, me fitim.    
 
Redaksi Online
(mag/shqiptarja.com)
 

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Festa e Flamurit/ Meta: Urime 28 Nëntorin e Skënderbeut, Ismail Qemalit dhe Adem Jasharit! Kjo datë na bashkon kundër pushtuesve të vjetër e të rinj

Festa e Flamurit/ Meta: Urime 28 Nëntorin e Skënderbeut, Ismail Qemalit dhe Adem Jasharit! Kjo datë na bashkon kundër pushtuesve të vjetër e të rinj

28 Nëntor, 08:54