Fole patate me kima pikante nga zonja Albana

Fole patate me kima pikante

Përbërësit:

  • 500 gr patate
  • 100 gr gjalpë
  • 1 tufë majdanoz
  • 300 - 400 gr sallam pikant dhe salçiçe pule
  • 1 kokërr qepë
  • 2 thelpinj hudhër
  • 1fç salcë domate
  • 3 lgj vaj ulliri
  • Kripë, piper i zi, piper i kuq
  • Djathë kaçkavall i grirë

Përgatitja:

Në një enë me ujë të vluar me kripë vendosim patatet e prera në kubikë dhe i ziejmë për 15 minuta. Më pas i shtypim duke shtuar majdanozin dhe gjalpin. Krijojmë topa sa grushti i dorës, duke bërë një gropë nga lart për t’i mbushur me kiman. Kimën e përgatisim duke kaurdisur qepën e grirë imët në pak vaj ulliri. Më pas shtojmë salçiçet dhe sallamin të cilin e kemi grirë imët. Shtojmë thelpinjtë e shtypura të hudhrës dhe vijojmë kaurdisjen për pak minuta, më pas shtojmë salcën e domates me erëzat. Kur i kemi gati patatet me mbushjen i vendosim në tavë duke i spërkatur me djathë të grirë kaçkavall. I vendosim në furrë të parangrohur në temperaturën 200 gradë Celsius për 30 minuta.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Jeni dakord që në Shqipëri të ndalohet përdorimi i euros për pagesa?



×

Lajmi i fundit

Kritikoi izraelitët, Adidas heq modelen Bella Hadid nga reklamat e atleteve

Kritikoi izraelitët, Adidas heq modelen Bella Hadid nga reklamat e atleteve