TIRANE- Bashkitë e reja që po konstituohen do të marrin një fond prej rreth 1.8 miliardë e 57 milionë lekë. Në projektvendimin e propozuar nga Ministria e Financave dhe Ministria e Shtetit për Çështjet Vendore, që ka siguruar “shqiptarja.com”, do të jetë Bashkia e Tiranës, që është dhe njësia më e madhe vendore, e cila do të marrë më shumë lekë, 92 milionë.

Sipas projektvendimit “një ndër objektivat kryesore të këtij fondi, është kalimi i kompetencave, burimeve materiale dhe monetare nga njësitë vendore sipas ndarjes së vjetër administrative, në njësitë vendore sipas ndarjes së re administrativo-territoriale”. Ky fond do të përdoret edhe për shpenzime dhe investime nga njësitë e reja vendore.