Formacionet zyrtare/ Reja me 5 ndryshime kundër Moldavisë, Mavraj rikthehet titullar dhe merr shiritin e kapitenit

Ashtu siç kishte paralajmëruar trajneri Edy Reja ka zgjedhur të zbresë në fushë me disa ndryshime për ndeshjen eliminatore të Europianit kundër Moldavisë që luhet pas pak çastesh në “Elbasan Arena”. Në portë Etrit Berisha vijon të jetë stoik, ndërsa përkrah Veselit dhe Ismajlit në qendër të mbrojtjes do të jetë Mërgim Mavraj, që sot mban edhe shiritin e kapitenit.

Ndryshime rrënjësore ka edhe në mesfushë, teksa në vendin e Bashës dhe Lenjanit që luajtën kundër Islandës, do të jenë Ylber Ramadani dhe Ergys Kaçe. Tre futbollistët e tjetë të rreshtuar në këtë repart janë Hysaj, Xhaka dhe Abrashi.

Ndërkohë sulmi do të jetë totalisht ndryshuar nga ndeshja e parë tre ditëve, pasi ‘bomber’ për këtë sfidë është zgjedhur Armando Sadiku, i cili do të mbështet nga Myrto Uzuni.

Sa i përket masave, stadiumi disa orë para ndeshjes ka qenë i rrethuar nga forcat e policisë së shtetit, të cilët kanë hasur edhe në kundërshtimin e disa bizneseve pranë ‘elbasan arenës’ për mbylljen e tyre më herët se zakonisht.

Ne.k./Shqiptarja.com

TAG:
• kombetarja
• Moldavi