1765382584_WhatsAppImage20251210at13.46.48.jpeg

Ministrja për Europën dhe Punët e Jashtme Elisa Spiropali foli sot në Forumin e Delfit në Tiranë, ku u ndal ndër të tjera në potencialin e Ballkanit Perëndimor për ekonominë dhe sigurinë e kontinentit.
 
Për Shqipërinë, theksoi Spiropali, politikat e jashtme dhe të sigurisë fillojnë në Ballkanin Perëndimor.

“Ballkani Perëndimor nuk është një frakturë në trupin e kontinentit, por korridor i integruar ekonomik, energjetik dhe i sigurisë”, tha Spiropali.

“Për këtë arsye ne mbështesim, ndër të tjera, dialogun midis Prishtinës dhe Beogradit dhe njohjen përfundimtare dhe të pashmangshme të Kosovës. Do të heqë nga Rajoni një pllakë tektonike që palët e treta dhe ndikimet keqdashëse mund të përpiqen ta shfrytëzojnë për ta destabilizuar atë”, shtoi Spiropali.

“Në vitet e fundit, siç e dini, Tirana priti Samitin historik BE-Ballkani Perëndimor dhe më pas Samitin e liderëve europianë. Dhe ne do të presim Samitin historik të NATO-s në vitin 2027. Unë besoj se të tre këto ngjarje të mëdha janë një shenjë e qartë se konteksti rajonal tani kuptohet si pjesë e peizazhit të sigurisë së vetë Europës. Prandaj, kur të gjithë liderët e BE-së erdhën në Tiranë, mesazhi ishte i thjeshtë: Ajo që ndodh në rajonin tonë nuk qëndron në rajonin tonë”, deklaroi Spiropali.


Lajmi kryesor:

‘Tirana Economic Forum’, kryeministri Rama: Investimet e huaja arritën rekordin 1.58 mld euro në 2024! Shqipëria një korridor zhvillimi nga veriu në jug