FOTO EKSKLUZIVE/ ‘Babalja’ i buzëqeshur krah avokatit pak minuta pas lirimit nga Policia e Kosovës

Albert Veliu

KOSOVË– Pas lirimit të Albert Veliut, i njohur ndryshe si "Babalja", rreth 24 orë pas ndalimit nga policia e Kosovës, një foto e tij, ku ai duket i buzëqeshur krah avokatit të tij ka mbërritur në redaksinë e Report Tv. Në foton e mëposhtme duket qartë Veliu së bashku me  avokatin e tij, Tom Gashi.

Veliu dhe avokati i tij

Albert Veliu u ndalua një ditë më parë në një kamp azilkërkuesish në Prishtinë, pas lëshimit të urdhërporosisë nga drejtësia shqiptare për arrestimin e tij, pasi ndaj "Babales" ka një masë arresti me burg për kallëzim të rremë dhe kalim të paligjshëm të kufirit.  

"Babalja" akuzohet se bashkë me kunatin e tij, Fredi Alizoti inskenuan përgjimin "Babalja 1", ku në një audiopërgjim pretendohej se vëllai i ministrit të Brendshëm, Fatmir Xhafaj, bënte pazare droge. 


Lajmi kryesor:

Kosovë, Gjykata e Prishtinës liron 'Babalen': Ka kërkuar azil politik! Albert Veliu: Në Shqipëri më rrezikohet jeta


ke.mu./b.ha./Shqiptarja.com