Foto/ Ja ku po i kalojnë pushimet
 fëmijët e politikanëve shqiptarë

Fëmijët e politikanëve janë të pakursyer për pushimet e tyre, ku baballarët nuk lënë që t’u mungojë asgjë. Nga vendi i pushimeve e deri tek jahtet, janë disa nga elementët e pushimeve në luks të fëmijëve të politikanëve shqiptare, të publikuara përmes fotografive në rrjetet sociale.

Djali i ish-Presidentit Rexhep Mejdani, Denion Meidani, po bën pushime në Ibiza dhe Saint Tropez




Ndërsa, djali i Presidentit të Republikës aktual, Ersi Nishani, është kthyer në Shqipëri, pasi ka lënë Vjenën, vendin ku dhe studion. E ndonëse babai i tij, Bujar Nishani së bashku me familjen presidenciale nuk pushuan në rezidencën në Dhërmi, Ersi e ka shijuar bukurinë e një prej destinacioneve më të frekuentuara nga të rinjtë dhe ka vizituar Karaburunin.



Franko Naço, djali i ministrit të drejtësisë, Nasip Naço, dallohet së bashku me një shok të tijin mbi një jaht, edhe pse jahti është shumë larg të qenit në det.



Argita Berisha, vajza e ish-kryeministrit Berisha është fotografuar në ishujt e Greqisë, në Korfuz, në një hotel me pesë yje bashkë me vëllanë e saj, bashkëshortin dhe fëmijët.



Edhe “supermbesa”, Dasara Malltezi, poston fotografi nga pushimet e saj me familjen, të nisura që herët./Marre nga Shekulli online/

Redaksia Online
(Gre.M/Shqiptarja.com)
 

TAG:
• argita berisha