FOTO/ Ja super-surpriza e Veselit
për ditëlindjes e Teas

Veseli dhe Tea kanë kaluar një të premte shumë romantike bashkë, që me siguri duhet ta ketë forcuar edhe më shumë marrëdhënien e tyre të nisur brenda shtëpisë së Big Brother.

Bukuroshja korçare ka festuar ditëlindjen në një prej restoranteve të kryeqytetit dhe nga fotot e publikuara në rrjete sociale, atmosfera ka qenë shumë romantike dhe intime për çiftin e dashuruar.

Veseli, si organizator i festës, ka menduar me imtësi çdo detaj, që gjithçka të ishte perfekte për njeriun e tij të zemrës. Tea dhe Veseli janë i vetmi çift që i mbijetoi presioni të jetës reale jashtë shtëpisë dhe vetëm së fundmi kanë filluar të bashkëjetojnë në Tiranë. Veseli i dhuroi Teas një arush të madh dhe të tre kanë pozuar për kamerën shumë të lumtur.

“Po ju prezantoj me çupkën time.... Faleminderit zemra ime që e bëre këtë ditë akoma më të bukur” – shkruan Tea e lumtur në profilin e saj, duke prezantuar edhe arushin e bardhë, ndërsa Veseli vazhdon të tregojë edhe në këtë rast cilësinë e tij më të mire - atë të një xhentili të vërtetë: “Urime zemër…” shkruan ai në foton ku shfaqet duke i puthur dorën Teas.

Veseli ka nisur provat për garën e kërcimit "Dance With Me", ndërsa Tea ende nuk ka zbuluar projektet e saj.

Redaksia Online
(m.p/shqiptarja.com)