TROPOJË- Varri i Fatmir Haklajt është shkatërruar sërish. Ka qenë motra e tij, Zylfie Haklaj e cila ka bërë me dije këtë lajm. Ajo ka postuar në llogarinë “Haklajt e Tropojës” foto nga varri i dëmtuar teksa shkruan se e prisnin një gjë të tillë.
“Ju po ngelshi tanë kohën në Kodër të varrezave tona se edhe të vdekur jau keni frigën a mos po cohen. Na e kena ditë që do t’i prishni dhe me qellim i kena punue me ditë të saktë kushë merret me këto punë. Hajrin ja pafshi punës”, shkruan ajo.
Se kush janë autorët nuk dihet, por kujtojmë që dëmtimi i varreve është një vepër penale e cila dënohet deri në 5 vite burg.
Historia e vrasjeve në familjen Haklaj
Familja e Haklajve njihet jo vetëm në Tropojë, por në të gjithë veriun e Shqipërisë. Është një nga familjet më të mëdha në këtë rrethinë. Trazirat e vitit 1997 bënë që djemtë e kësaj familjeje të bëheshin “bajraktarët” e gjithë Tropojës.
Një nga djemtë e Haklajve, Fatmir Haklaj, në atë vit drejtonte policinë e Tropojës. Numri i djemve tropojanë, të vrarë vetëm në 16 vjetët e fundit, pas vitit 1997, është rreth 200 persona. Vrasja e parë është bërë në dalje të urës së Milotit, ku viktima është një nga djemtë e fisit Haklaj, konkretisht Sokol Haklaj, ndihmësgjyqtar në rrethin e Skraparit. Pas kësaj vrasjeje nisën vrasjet e tjera të shumta serike, që kanë lidhje me fisin Haklaj të Tropojës.
Ndërkohë, vrasja më e bujshme e kryer prej tyre është ajo e deputetit të Partisë Demokratike, Azem Hajdari, më 12 shtator të vitit 1998. Më datën 5 janar 1998 vritet në Qafën e Luzhës, në një atentat me armë zjarri automatike, Shkëlqim Haklaj, një tjetër djalë i familjes Haklaj. Pas kësaj vrasjeje nis vrasja e djemve të tjerë të kësaj familjeje të madhe e të njohur, të kryefamiljarit Muharrem Haklaj. Ndërkohë, më 4 gusht 1999, vriten në atentat, në afërsi të fshatit Cërnicë, me mina të telekomanduara, Halil Haklaj e Feriz Kërnaja dhe plagoset rëndë Fatmir Haklaj.
Vetëm tre muaj më pas vritet edhe Fatmir Haklaj. Ai është vrarë më 4 nëntor të vitit 1999, në një pritë në fshatin Bujan, vetëm 50 metra larg shtëpisë së mikut të tij Jaho Salihi. Hakmarrja ndaj fisit Haklaj nuk është ndalur me kaq. Më 3 dhjetor 2000 është kryer ekzekutimi me snajper i djalit tjetër, Ylli Haklaj. Vrasja e fundit e djemve të familjes Haklaj është kryer më 8 maj të vitit 2002, pranë spitalit të Bajram Currit, ku mbetën të vrarë Elez Haklaj dhe i djali i tij, Çelë Haklaj.
Komente
Lajme të tjera
-
Vrasjet pa autor në Tropojë pas 1997, dhjetra dosje të pezulluara do kalojnë ‘në skaner’! Grupe të posaçme për t’i rihetuar
19 Dhjetor 2023, 17:11 -
Zylfie Haklaj: Ja mashtrimi që po bëhet me dosjen e ‘Tropojës’, si po nxjerrin emra dëshmitarësh që kanë vdekur
11 Maj 2023, 17:21 -
20 gratë më të rrezikshme që kërkohen nga policia shqiptare, emrat dhe veprat penale që nga vrasjet, rrëmbimet tek trafiku i drogës
30 Mars 2022, 14:34
-
Vendimi i gjykatës/ Azem Hajdari u vra për hakmarrje pas ekzekutimit të Shkëlqim Haklajt, në lojë intrigat e Sali Berishës, rrëzohet versioni i vrasjes politike
15 Shkurt 2022, 17:34
-
Një Bashë alias Haklaj dhe pesë Berishë përballë
8 Tetor 2021, 13:25
-
Reagon Zylfie Haklaj ndaj padisë së Berishës për sekretarin Blinken: Boll hëngre me mashtrime, për ty ky është vetëm fillimi
20 Maj 2021, 22:57 -
20 vite nga vrasja e Ylli Haklajt, letër e hapur nga familja: Ende s’ka asnjë të dënuar apo të akuzuar! Masakrat e Berishës s’kanë të mbaruar në Tropojë
2 Dhjetor 2020, 20:25 -
Gjykata e Tiranës mbyll padinë e Haklajve për shpifje kundër Berishës
7 Shkurt 2020, 07:16
Keta qe meren me varre jane bastarde , eshte turpi me i madh te meresh me te vdekurit por do zoti qe dhe ata ju shkojne prane shpejt
Përgjigju