Një grup prej 111  alpinistësh nga Kosova dhe Shqipëria janë ngjitur në majën e  Bistrës në Kosovë, e cila ngrihet madhështore në lartësinë  e 2651 metrave mbi nivelin e detit.

Alpinistët tregojnë për Shqiptarja.com  se ngjitja  në këtë lartësi ishte e vështirë, pasi era frynte me një shpejtësi 130 km/h.

Grupi i alpinistëve  tregon se ngjitja në këtë majë fantastike, ishte një sfidë që ia vlejti, ndërsa pamjet e publikuara prej tyre janë thjeshtë magjepsëse dhe frymëzim për këdo që e don natyrën dhe sportin e ngjitjes në lartësi. Ngjitja  për në majë ka filluar nga Prevalla, i cili konsiderohet si vend turistik me frekuentim të lartë prej turistëve.

Për këtë grup ngjitja në majë  ka zgjatur 8 orë, ndërsa  në mesin e turistëve kishte mosha të ndryshme. Alpinisti më i ri në moshë ishte një qenush i vogël vetëm 3 vjeç dhe sipas alpinistëve ky ishte një fakt tjetër interesant në këtë aventurë mjedisore sa të vështirë aq dhe emocionuese.

[gallery]24476[/gallery]

Redaksia Online
N.M/Shqiptarja.com