Fotografi francez Andre LeCoq është personi që dëshmoi golin e shënuar me dorë nga Diego Maradona në finalet e Botërorit 1986 kundër Anglisë. Në një intervistë për mediet në vendin e tij, fotografi tregon se e ka kuptuar menjëherë se goli u shënua me dorë, pasi e kishte në kuadrin e fotos. "Për habi goli nuk u anullua dhe unë nuk e kuptova se çfarë ndodhi. Në momentin e të shkrepjes së aparatit pashë menjëherë mashtrimin e Diegos", thotë LeCoq për golin e Maradonës në stadiumin Azteca të Meksikës.
"Isha pas portës, në vendin e zakonshëm të fotografëve. Po ndiqja topin dhe nuk u shpërqëndrova, e ndoqa me sy. Munda ta shihja përmes lentes se topi u prek me dorë pas daljes së Peter Shilton. Për mua ishte e qartë, e pashë dhe nuk e di pse goli u quajt i rregull", tha fillimisht fotografi.
LeCoq foli edhe për habinë që askush nga fotografët e tjerë nuk e kapi momentin. Në fund edhe një opinion për atë që ai priste pas fotove në lidhje me karrierën, duke treguar se nuk u bë i pasur.
"Në atë moment vetëm mendova: mirë, është një foto e qartë, doli mirë, por do ta kenë bërë edhe të tjerët.U habita kur më pas kuptova se isha i vetmi që e bëra atë shkrepje, madje më shumë se fakti që goli u akordua. Vërtet nuk e kam idenë pse askush tjetër nuk e bëri atë, nuk ia shpjegova kurrë vetes. Por për mua, mund të them, shkoi shumë mirë. E imja ishte prova se Maradona kishte mashtruar. Foto nuk e ndihmoi popullit britanik, por në njëfarë kuptimi ishte dhe ka qenë një dokument i rëndësishëm historik. Fotografia është shfaqur në të gjithë botën, në gazeta, revista, kudo. Ajo u bë e famshme. Por jo, nuk u pasurova. Në atë kohë unë isha fotograf në stafin e L'Equipe dhe ata zotëronin të drejtat për imazhin. Po, mora një bonus, por nuk mjaftoi për të më bërë një njeri të pasur. E pranoj se më lejoi të shtyja veten pak më lart në rendin hierarkik në L'Equipe: në atë pikë unë isha në gjendje të zgjidhja ngjarjet më të mira për të mbuluar", tha Andre LeCoq.
Lajme të tjera
-
Prokuroria kontrolle në banesën e Maradonës për të zbuluar vdekjen, vajzat e legjendës: Ja personat që morën pjesë në vrasjen e tij
7 Mars, 15:30 -
Tetë persona para gjykatës, Maradona kishte shanse për të jetuar
19 Prill 2023, 13:13 -
Kishte fshehur 2.6 kg kokainë brenda pikturave me figurën e Maradonës, arrestohet 72-vjeçari në një aeroport në Turqi
24 Dhjetor 2020, 14:30 -
Merret vendimi, stadiumi i Napolit do quhet 'Diego Armando Maradona'
4 Dhjetor 2020, 19:07 -
Me lot dhe lule, në Argjentinë i jepel lamtumira e fundit Maradonës! Del autopsia: Vdiq në gjumë (VIDEO)
26 Nëntor 2020, 12:55 -
VIDEO/ Pse Maradona u quajt 'Dora e zotit'?
25 Nëntor 2020, 22:57 -
‘Maradona tani është zgjuar’, mjeku: Opracioni në kokë shkoi me sukses
4 Nëntor 2020, 13:47 -
Legjenda e futbollit argjentinas, Diego Maradona do t'i nënshtrohet një operacioni në tru
3 Nëntor 2020, 21:19
