Pesë turistë në Budva ne Mal te Zi mbetën të plagosur  nga një automjet me targa shqiptare. Sipas dëshmitarëve në vendngjarje drejtuesi i mjetit i ka goditur me makinën e tij "Porsche Cayenne" turistet ndërsa ishin në trotuar.

Shtetas shqiptar, L.M., për arsye të panjohura ka humbur kontrollin e makinës dhe ka kaluar mbi  trotuar, ku ndodheshin rreth 20 turistë të cilët ishin duke u kthyer nga plazhi “sllovenska pllazha”.

Për pasojë 5 prej tyre kanë mbetur të plagosur. Menjëherë pas aksidentit  drejtuesi i mjetit është  larguar në drejtim të panjohur, ndërsa policia arrestoi personin tjetër që ishte në makinë. Policia aktualisht është në kërkim të 33-vjeçarit nga Shqipëria, ndërsa të plagosurit u transportuanpër në spitalin e Kotorrit.
budva
(Në foto: Makina "Porsche Cayenne" me targë shqiptare e 33-vjeçari L.M. në vendin e aksidentit)

Redaksia Online
(f.s/shqiptajra.com)