FOTOLAJM/ Thethi 'pushtohet' nga mbeturinat! Pas denoncimit në Shqiptarja.com nis pastrimi

Thethi është një mrekulli turistike e vizituar nga shumë të huaj nga thuajse cdo vend i botës, por vetëm në Shqipëri duket se nuk ia dinë vlerat.

Që pas 30 Qershorit kompania e kontraktuar nga Bashkia Shkodër nuk ka shkuar të pastrojë koshat e mbeturinave, shkruan gazetari i Report Tv Artan Hoxha, teksa në faqen e tij në Facebook ka publikuar edhe fotot.

Gati një muaj plot që Thethi nuk pastrohet nga mbetjet e bëra pirg edhe pse kjo zonë turistike i paguan bashkisë së Shkodrës taksën e pastrimit. 

Bujtinat dhe lokalet paguajnë deri dhe mbi 25 mijë lekë  në vit edhe pse 6-7 muaj në vit Thethi bllokohet prej dëborës dhe atëherë kur kanë nevojë për pastrimin, në muajt e verës nuk e marrin këtë shërbim.

Hoxha e mbyll postimin duke kërkuar marrjen e masave për të shpëtuar produktin turistik që i ka dalë era, përpara se ambasadori Soreca të shkojë në aktivitetin e financuar me taksat e BE-se ne datat 2-3-4 gusht ne Theth për Za Fest-in.


Koshat e mbeturinave ne Theth

Pas denoncimit në Shqiptarja.com është bërë pastrimi i zonës. Kjo dëshmohet nga fotot që kanë mbërritur në redaksi. 

Koshat e mbeturinave të pastruar
 

d.ba./G.M./Shqiptarja.com
  • Sondazhi i ditës:

    Nga e hëna duhet leje për të dalë nga shtëpia, a është ky një vendim i duhur i qeverisë?

Komento

Komente

  • Alvanosi: 30/07/2019 14:32

    Epo ne Shqiperi hame plehra.

    Përgjigju
  • Arbëri: 30/07/2019 10:45

    A është Ndoshta në këta kosha edhe plehërja Voltana që nuk i ndalet goja asnjë her duke pështir plehëra...!!!

    Përgjigju
  • Deutschland: 30/07/2019 08:45

    Willkommen in Albanien!!!

    Përgjigju