POP 5

Lajmet më të lexuara të 5 minutave të fundit

Politikë

Fotot/ Krerët e Shtetit përdorin gardistët si çadrambajtës në Varrezat e Dëshmorëve

Tre figurat kryesore të shtetit, Presidenti Meta, kryetari i Kuvendit Ruçi dhe kryeministri Rama gjatë homazheve për të rënët, u panë të qëndronin përpara monumentit “Nëna Shqipëri”, teksa punonjësit e Gardës së Republikës u mbanin çadrat.
Fotot/ Krerët e Shtetit përdorin gardistët si çadrambajtës në Varrezat e Dëshmorëve

Gramoz Ruçi, Ilir Meta dhe Edi Rama

5 maji është dita e përkujtimit të Dëshmorëve të Atdheut.

Shumë qytetarë dhe përfaqësues të lartë shtetërorë shkuan në varrezat e Dëshmorëve në Tiranë për të bërë homazhe për të rënët.

Kjo ditë përkujtohet sidomos për të rënët e shumtë të luftës së dytë botërore, kur populli shqiptar bëri rezistencë ndaj pushtimit nazi-fashist deri në çlirimin e plotë të tij në vitin 1945.

Rasti u shoqërua nga një incident i pakëndshëm ndërmjet disa simpatizantëve të moshuar Enver Hoxhës dhe disa personave që u identifikuan si përkrahës të Partisë Demokratike, mes të cilëve ishte edhe ish-deputeti demokrat Ndriçim Babasi.

Por ishte edhe një tjetër detaj domethënës ai që ra në sy.

Tre figurat kryesore të shtetit, Presidenti i Republikës Ilir Meta, kryetari i Kuvendit Gramoz Ruçi dhe kryeministri Edi Rama gjatë homazheve për të rënët, u panë të qëndronin përpara monumentit “Nëna Shqipëri”, teksa punonjësit e Gardës së Republikës u mbanin çadrat që të mos lageshin nga shiu.

Garda e Republikës sipas ligjit, ka si detyrë mbrojtjen fizike dhe të jetës së figurave të larta shtetërore, por duket se sot ajo është keqpërdorur jashtë funksioneve të saj.

Kjo nuk është hera e parë që politikanët shqiptarë përfitojnë nga privilegje të tilla.

Gjatë periudhës kur Barack Obama ishte president i SHBA-ve, pati shumë polemika për faktin që një marins i Shtëpisë së Bardhë i mbajti çadrën presidentit teksa ky i fundit fliste në oborr dhe papritmas nisi shiu.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kafsha: 09/05/2018 14:37

    Mir që nuk përdorën marinsat që janë mbrapa tyre

    Përgjigju
  • Ben Tironci: 05/05/2018 18:38

    Sikur nuk pame bllokun ne dore te Presidentit 7%.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

Vrasja e 47 vjeçarit në Tropojë, autori arrestohet pas 3 ditësh, ishte fshehur në një banesë të braktisur në Markaj

24 Nëntor, 11:21